Foto: kisi.kz
Memlekettik bastamalarǵa eń joǵary qoldaý kórsetetin top – 18-29 aralyǵyndaǵy jastar eken, respondentterdiń 82%-y osyndaı pikir bildirgen. Erekshe ataıtyn taǵy bir jaıt, erlerge qaraǵanda (71,1%) áıelder el damýyna anaǵurlym optımıstik baǵa bergen – 75,3%.
Qoǵamdyq kóńil-kúıdiń mańyzdy kórsetkishi – halyqtyń Prezıdentke degen senimi. Qoǵamdyq pikirdi zertteý nátıjeleri boıynsha, halyqtyń 76,4%-y Memleket basshysyna senim bildirgen. Jastar arasynda Prezıdentke degen senim deńgeıi – 84,6%, áıelder arasynda – 78,1% (erler arasynda – 74,5%). Aýyldyq jáne qalalyq turǵyndar arasyndaǵy senim deńgeıi shamamen birdeı – tıisinshe 76,8% jáne 76,1%.
Sondaı-aq, respondentterdiń jartysynan astamy – 60,8% – eldiń aldaǵy 5 jyldaǵy damý perspektıvalaryn «óte oń» nemese «kóbine oń» dep baǵalaǵan.
Bul áleýmettik optımızm halyqtyń ómir súrýine qanaǵattanýshylyq deńgeıinen de kórinis tabady. «Siz jalpy ómirińizge qanshalyqty qanaǵattanasyz?» degen suraqqa respondentterdiń 57,3%-y «tolyq qanaǵattanamyn», al 32,8%-y «kóbine qanaǵattanamyn» dep jaýap bergen.
Saýalnamaǵa qatysýshylar saıasat, ekonomıka jáne eldiń qoǵamdyq ómiri týraly aqparatty ınternet-BAQ (30,3%) pen áleýmettik jelilerden (34,7%) alǵandy jón sanaıtynyn ataǵan. Zertteýge 18 jastan asqan 8 myń respondent qatysqan. Saýalnama 17 oblys pen respýblıkalyq mańyzy bar 3 qalany qamtyǵan. Oqyrmandarmen jeke suhbat (CAPI ádisi) túrinde júrgizilgen saýalnama bıyl 20 naýryz - 20 sáýir aralyǵynda ótkizilip, halyqtyń áleýmettik-demografııalyq qurylymyn eskeretin irikteme negizinde júzege asyrylǵan.
