«Qyzdaraı» ansambli «SUMMER FEST TASHKENT» baıqaýynda «Keń dala», «Ekspressııa», «Ásemdik» bılerin bılep, ár janrda da qarsylastarynan ozyp shyqty.
«Qyzdaraı» ansambli «Nura» aýdany boıynsha Belsendi uzaq ómir súrý ortalyǵynyń janynan qurylǵan, olarǵa bilikti horeograf Irına Smaǵulova jetekshilik etedi.
«Bizdiń bı tobymyz – jas óner ujymy, qurylǵanyna nebári 2 jyl boldy. Osy bir az ýaqyt aralyǵynda jıyrmaǵa jýyq bı qoıylymdaryn daıyndadyq. Belsendi uzaq ómir súrý ortalyǵynyń 62-77 jas aralyǵyndaǵy zeınetkerleri bı úıirmesine zor qyzyǵýshylyq tanytyp qatysady, bı úırenemin degen yntasy joǵary. «Qyzdaraı» ansambliniń quramy únemi jańaryp turady, bıshi ájelerimiz árdaıym izdenis ústinde, repertýarlary ár alýan», dep sózin túıindedi ansambldiń kórkemdik jetekshisi Irına Nıkolaevna.
