Kóshe ataýyn berý týraly bastamany alǵash bolyp Taldyqorǵan qalalyq Qarýly Kúshter ardagerler keńesi kótergen. Uzyndyǵy 1,7 shaqyrymdyq bul kóshe – Taldyqorǵanda Halyq Qaharmany qurmetine alǵash ret berilip otyr.
Shara barysynda kóshe ataýy jazylǵan belgi ashylyp, áskerı orkestr Memlekettik Gımndi oryndady, saltanatty oq atyldy. Oblys ákimi bul qadam – soǵys ardagerleri men el qorǵany bolǵan azamattarǵa degen halyqtyń qurmeti ekenin atap ótti.
Aıjan Nurmaǵambetova óz sózinde atasynyń áskerı jolyn jastarǵa úlgi etý qajettigin aıtyp, uıymdastyrýshylarǵa alǵys bildirdi.
Saltanatty jıyn «Kúreńbel» ansambliniń oryndaýyndaǵy «Otan» ánimen aıaqtaldy.
Anyqtama: Saǵadat Nurmaǵanbetov – Uly Otan soǵysynyń ardageri, Keńes Odaǵynyń Batyry, Qazaqstannyń tuńǵysh Qorǵanys mınıstri. 1994 jyly «Halyq Qaharmany» ataǵy berilgen alǵashqy azamat.
