Foto: Ekologııa jáne tabıǵı resýrstar mınıstrligi
Baıqaýǵa Kentaý balalar kórkemsýret mektebi men IýNESKO klýbynyń 40-tan astam oqýshysy qatysqan. Jas sýretshiler tabıǵattyń ásem kórinisterin qylqalam arqyly beınelep, týǵan jerge degen súıispenshilikterin óner tilimen jetkizýge tyrysqan.
Sharanyń negizgi maqsaty – jas urpaqqa týǵan ólkeniń tabıǵı baılyqtaryn qurmetteýdi úıretý jáne olardy qorshaǵan ortany qorǵaýǵa baýlý. Uıymdastyrýshylardyń aıtýynsha, mundaı baıqaýlar balalardyń ekologııalyq mádenıetin arttyrýǵa jáne tabıǵatty súıý sezimin tereńdetýge jol ashady.
Aıta keteıik, álemde qyzǵaldaqtyń 3 myńnan astam túri bar. Sonyń ishinde 35 túri Qazaqstan aýmaǵynda ósedi. Onyń 18 túri elimizdiń Qyzyl kitabyna engen. Qarataý taýlary – osyndaı sırek kezdesetin, erekshe ósimdikterdiń mekeni.
