Batys Qazaqstan oblysynda múgedekter sportynyń damýyna eleýli úles qosqan ardager parasportshy, Qubaıdolla Hasanov Jeńistiń 80 jyldyǵyna oraı 80 shaqyrym qashyqtyqty jaıaý júrip ótti. 79 jastaǵy sportshy marafonnyń sońǵy bóliginde kún saıyn 10 shaqyrymnan júrýine týra kelgen.
«Qubaıdolla Hamzaulynyń III top múgedegi, aıaǵynan alǵan jaraqaty bar ekenin eskersek, bul — shynaıy erlik pen rýhtyń aıqyn kórinisi boldy» deıdi BQO dene shynyqtyrý jáne sport basqarmasynyń basshysy Baqdáýlet Sábıtov.
8 mamyr kúni Baqdáýlet Sábıtov ardager sportshyny arnaıy qabyldap, alǵys hat tabystady. Bul bastama jastarǵa úlgi, el sportyna qosqan ólsheýsiz eńbek ekenin atap ótti.
Qubaıdolla Hamzauly — para paýerlıftıngten 2 dúrkin Azııa chempıony. Ol 2004 jyly — Úndistanda, 2006 jyly — Fılıppınde jeńis tuǵyryna kóterilgen bolatyn. Sondaı-aq óńirdegi parasport qozǵalysynyń damýyna belsendi túrde úles qosyp kele jatqan aǵamyz óziniń sanaly ǵumyryn el sporty men salaýatty ómir saltyn nasıhattaýǵa arnaǵan.
