Foto: Qarjy mınıstrligi baspasóz qyzmeti
«Keden» – keden organdary men syrtqy ekonomıkalyq qyzmetke qatysýshylar arasynda tolyq sıfrlyq ózara is-qımyldy qamtamasyz etetin, zamanaýı talaptarǵa jaýap beretin sheshim. Ol ákimshilik kedergilerdi azaıtyp, rásimderdiń ashyqtyǵyn kúsheıtedi jáne taýar qozǵalysyn tıimdi baqylaýǵa múmkindik beredi.
Sıfrlyq ekojúıe qaǵaz qujat aınalymyn qysqartý úshin memlekettik jáne kommersııalyq 30-dan astam aqparattyq júıemen ıntegrasııalandy. Bul málimetterdi avtomatty túrde alý arqyly rásimdeý barysyn edáýir ońaılatady.
Júıeni engizýdiń negizgi kezeńderi tómendegideı:
-
2024 jylǵy sáýir — ekspress-júkterdi elektrondy kedendik deklarasııalaý;
-
2024 jylǵy qyrkúıek — jeke tutynýǵa arnalǵan taýarlardy esepke alý modýli (Qorǵas HShYO);
-
2024 jylǵy qarasha — aldyn ala operasııalar, tranzıttik deklarasııa, ýaqytsha saqtaý, táýekelderdi basqarý júıesi, tólemderdi qamtamasyz etý, rezıdent emesterdi tirkeý jáne tekserý prosesteriniń modýlderi;
-
2025 jylǵy qańtar–sáýir — kólik quraldaryna arnalǵan deklarasııalar, 9 memlekettik qyzmet, halyqaralyq poshta jóneltilimderin rásimdeý;
-
2025 jylǵy 22 sáýir — jolaýshylardyń keden deklarasııasyn rásimdeý modýli iske qosyldy.
Búgingi kúnge deıin nátıje kórsetkishteri aıtarlyqtaı bar. «Keden» júıesi arqyly 837 myńnan astam aldyn ala aqparat tirkelgen. Sonymen qatar 539 myń tranzıttik deklarasııa rásimdelip, 87 myń taýar saqtaý qujaty jasalǵan. Kedendik tólemderdi qamtamasyz etý úshin 28 myńnan astam arnaıy sertıfıkat tirkelgen. Budan bólek, 119 myń kólik quralyna kedendik deklarasııa shyǵarylyp, 1 mıllıonnan astam halyqaralyq poshta jóneltilimi resimdeldi. Al jolaýshylar tarapynan 53 myńnan astam kedendik deklarasııa berilgen. Bul kórsetkishter júıeniń tıimdiligi men qoldanystaǵy fýnksıonalynyń keń aýqymyn kórsetedi.
Sonymen qatar aldaǵy kezeńde júıeni odan ári jetildirý kózdelip otyr. 2025 jyldyń sońyna deıin Keden platformasy kedendik rásimderdiń barlyq kezeńin sıfrly formatta basqarýǵa múmkindik beretin tolyqqandy júıege aınalmaq. Atap aıtqanda, júıe keden deklarasııalaryn aldyn ala toltyrý, olardyń mártebesin naqty ýaqyt rejıminde baqylaý, rásimder barysynda týyndaıtyn kemshilikterdi avtomatty túrde tirkeý jáne óńdeý fýnksııalarymen tolyqtyrylady. Sondaı-aq, paıdalanýshylarǵa baǵyttalǵan avtotoltyrý, naqty keńester jáne formattyq-logıkalyq baqylaý sııaqty qolaıly ınterfeıs elementteri de iske qosylady. Bul jańashyldyqtar bızneske júktemeni azaıtyp, kedendik rásimdeýdi aıtarlyqtaı jeńildetedi dep kútilip otyr.
