Olar óz sózderinde qutqarý bólimsheleriniń utqyrlyǵy men tótenshe jaǵdaılarǵa den qoıý jyldamdyǵyn arttyrý úshin avıasııalyq parkti tolyqtyrýdyń mańyzdylyǵyn atap ótti. Bul ásirese Atyraý oblysy sııaqty shekara mańyndaǵy jáne munaı óndiretin óńirler úshin ózekti bolyp otyr, onda is-qımyldardyń jedeldigi adamdar men ınfraqurylym obektileriniń qaýipsizdigine tikeleı áser etedi.
«Búgin biz mańyzdy oqıǵanyń kýágeri boldyq — L 410 Qazaqstan TJM «Qazavıaqutqarý» AQ avıasııalyq parkiniń bóligi bolady. Kompanııa bazasynda «soltústik–ońtústik, batys–shyǵys» qaǵıdaty boıynsha eldiń búkil aýmaǵyn qamtıtyn 20 áýe jasaǵy qurylatyn bolady. Bul el basshynyń qaýipsizdik pen tótenshe jaǵdaılarǵa daıyndyq máselelerine basymdyq berýiniń arqasynda múmkin boldy», - dep Shyńǵys Árinov atap ótti.
L 410 - áýe parkin jańartý aıasynda TJM úshin alynǵan osy tıptegi ekinshi ushaq. Jaqyn arada Qazaqstanǵa taǵy eki jańa ushaq keledi dep kútilýde, bul qutqarý avıasııasynyń áleýetin odan ári nyǵaıtýǵa múmkindik beredi.
Ushaq 19 jolaýshyny nemese 1800 kg-ǵa deıin júkti kóteredi, daıyn emes alańdarda qonýǵa qabiletti jáne -50-den +50 °C-qa deıingi temperatýranyń keń dıapazonynda jumys isteıdi.
Model sanıtarlyq avıasııaǵa da beıimdelgen. Bortta aýyr naýqastardy tasymaldaýǵa arnalǵan zamanaýı zembilder men júıeler ornatylǵan. Qajet bolsa, ushaq ushý kezinde ómirlik mańyzdy fýnksııalardy ustaýǵa arnalǵan medısınalyq tehnıkamen qosymsha jabdyqtalýy múmkin. Barlyq qajetti jabdyqtar TJM qaramaǵyna berildi.
Ekinshi ushaqty satyp alý TJM tehnıkalyq jańartý baǵdarlamasy sheńberinde ónerkásipti damytý qorynyń qarjylaı járdemdesýimen múmkin boldy. Jaqyn arada Atyraý oblysy ákimdiginiń qoldaýymen ushaqty ornalastyrý jáne oǵan tehnıkalyq qyzmet kórsetý úshin angar qurylysy bastalady. О́ńir ekıpajdy jumys jáne demalys úshin qolaıly jaǵdaımen qamtamasyz etýge de qatysady.
Paıdalanýǵa berilgenge deıin ekıpaj Chehııada — ushaq óndirýshisi, Omnipol janyndaǵy oqý ortalyǵynda oqýdan ótti. Daıyndyq baǵdarlamasy ushý bóligin de, áýe kemesine tehnıkalyq qyzmet kórsetýdi de qamtydy.
