Mashınalar jeti aýdandyq stansııa men Qaraǵandy, Balqash qalalary arasynda taratyldy. Oblys ákimi Ermaǵanbet Bólekpaev óńirdegi veterınarlyq uıymdardyń materıaldyq-tehnıkalyq bazasyn nyǵaıtý men mamandardy qoldaýdyń mańyzdylyǵyn atap ótti.
«Búgin biz sizderge jańa qyzmettik avtokólikterdiń kiltin tabys etip otyrmyz. Bul sizderge kúndelikti jumysta qajet tehnıka, sondyqtan sizder shaqyrýlarǵa tezirek shyǵyp, qajet jerlerde kómek kórsete alasyzdar», dedi oblys ákimi.
Abaı aýdandyq veterınarlyq stansııasynyń basshysy Azamat Samenbaev kólikterdiń berilýin kópten kútkenderin, aýdan aýmaǵy 15 okrýgten turatyndyqtan saparlar kún saıyn júrgiziletinin, jańa kólik – ásirese profılaktıkalyq is-sharalar kezeńinde jaqsy qoldaý bolatynyn atap ótti.
Avtoparkti jańartý oblystyń veterınarııa salasyn damytý jónindegi júıeli jumystyń bir bóligine aınaldy.
– Aýdandyq stansalardy qoldaý – basymdyqtardyń biri. Mashınalar profılaktıkalyq jáne shuǵyl veterınarlyq is-sharalarda paıdalaný úshin aýyldyq aýdandar men qalalarǵa jiberiledi. bul saladaǵy jumystyń tıimdiligin arttyratyny sózsiz. Olar bıologııalyq materıaldardan synama alý úshin eldi mekenderge baryp, zerthanaǵa jetkizedi, sondaı-aq, mashınalar maldy vaksınalaý kezinde jedel qyzmetterdiń jumysyna kómektesedi, – deıdi oblystyq veterınarııa basqarmasynyń basshysy Amandyq Jáketaev.
Qaraǵandy oblysy
