Foto: Turizm jane sport ministrligi
Dzıýdo: Qazaqstan Barysy Grand Slam týrnırinde otandyq sportshylar 3 kúmis jáne 6 qola júlde jeńip aldy.
Baıdarka men kanoede eskek esý: Qytaıdyń Nanchan qalasyndaǵy Azııa chempıonatynda jerlesterimiz 4 altyn, 4 kúmis, 4 qola medalmen jalpykomandalyq esepte Ulttyq qurama ekinshi orynǵa turaqtady.
Velosport: Qazaqstan quramasy trektegi velosporttan О́zbekstanda máresine jetken Silk Way Namangan halyqaralyq týrnırinde 3 altyn, 1 kúmis,1 qola medal ıelendi.
Aýyr atletıka: Perý astanasy Lımada ótken jasóspirimder men jastar arasyndaǵy álem chempıonatynda Qazaqstan quramasy 2 altyn, 3 qola enshiledi.
Sporttyq gımnastıka: Bolgarııanyń Varna qalasyndaǵy Challenge Cup týrnırinde Zeınolla Ydyrysov tutqaly at snarıadyndaǵy jattyǵýda kúmis júldeger atandy, ol 14.233 upaı jınady.
Nysana kózdeý: Chehııadaǵy 53rd GP of Liberation Pilsen 2025 halyqaralyq týrnırinde 10 metr qashyqtyqtan jyljymaly nysana kózdeýden erler arasynda Asadbek Nazırkýlev top jarsa, áıelder arasynda Fatıma Irnazarova qola medal ıelendi.
Semserlesý: Ulttyq qurama kóshbasshylarynyń biri Rýslan Qurbanov Bogotadaǵy (Kolýmbııa) Gran-prı jarysynda kúmis júldeger atandy.
