Ekonomıkaǵa serpin berer jobalar

О́nerkásip jáne qurylys mınıstri Ersaıyn Naǵaspaev búginde jalpy ınvestısııa kólemi shamamen 10 mlrd dollar jáne 8,7 myńnan astam turaqty jumys ornyn ashatyn 5 iri bastamanyń júzege asyrylyp jatqanyn baıandady.

Abaı oblysynda qýattyly­ǵy 300 myń tonna katodty mys balqytý zaýytynyń qurylysy júrgizilýde. Investısııanyń jalpy kólemi 1,5 mlrd dollarǵa jetedi. Zaýyt jumys istep turǵan Bozshakól, Aqtoǵaı jáne Shyǵys­tústimet ken oryndarynan konsentrattardy óńdeýge arnalǵan. Bir myńnan astam turaqty jumys ornyn ashý kózdelgen. Búginde joba Biryńǵaı ındýst­rııa­lan­dyrý kartasyna engizilip, ınfra­qurylymǵa qosylý boıynsha is-sharalar júrgizilýde.

Qaraǵandy oblysynda «Qarmet» AQ óndiris kólemin arttyra otyryp mashına jáne avtomobıl jasaý kásiporyndary úshin ónimniń jańa túrlerin shyǵarý arqyly aýqymdy jańǵyrtý baǵdarlamasyn iske asyrýda. Investısııa kólemi 3,5 mlrd dollardy quraıdy. 2028 jylǵa deıin jyl saıyn 9 mln tonnaǵa deıin kómir óndirýdi, 5 mln tonnaǵa deıin temir keni konsentraty men bolat óndirýdi qam­tamasyz etý josparlanýda. Eki myń jańa jumys orny ashylady. Buǵan deıin júrgizilgen ju­mys­tardyń nátı­jesinde 2024 jyly óndiristik qyzmet tolyq qalpyna keltirildi, jab­dyqtar­dy kúrdeli jóndeý aıaqtaldy, segiz shahtanyń 7-eýinde kómir óndirý ju­mystary júrgizilýde, bul óndirý kóle­min 7%-ǵa arttyrýǵa múmkindik berdi.

Qostanaı oblysynda «SSKО́B» AQ bazasynda qýaty jylyna 2 mln tonna, quramynda 90%-dan astam temir bar ystyq brıkettelgen temir óndiretin zaýyt salý josparlanýda. Kásiporyn metallýrgııada ekologııalyq taza tehnologııalardy engizý úshin tirek nysanyna aınalady. Qazirgi tańda halyqara­lyq qarjy ınstıtýttarynyń qatysýy­men gaz jetkizý, ınfraqurylymǵa qosylý jáne qarjylandyrý kózderi má­seleleri pysyqtalýda. Investı­sııa­lar­­dyń jalpy kólemi  1,2 mlrd dollardy qu­­raı­dy. Jobany júzege asyrý nátı­jesinde bir myń turaqty jumys orny ashylady.

Batys Qazaqstan oblysynda «Satımola» ken orny bazasynda kalıı hlorıdin shyǵarý boıynsha baıytý-óndiristik keshen salý jobasy iske asyrylýda.

Kásiporyn qýatyn jylyna kalıı hlorıdin 12 mln tonnaǵa deıin birtindep arttyra otyryp, tórt kezeń boıynsha iske qosylady dep josparlanǵan. Qazirde burǵy­laý jumystary júrgizilip jatyr, jer telimderi alyndy, taý jynystaryn muzdatý úderisteri iske qosyldy, syrt­qy ınfraqurylym qalyptasýda. Jo­banyń jalpy quny 2,4 mlrd dollardan asady.

Sondaı-aq Premer-mınıstrge Mańǵystaý oblysyndaǵy «KazAzot Prime» JShS ammıak-karba­mıd kesheniniń qurylysy týraly baıan­daldy. Joba ishki naryq­tyń mıneral­dy tyńaıtqyshtarǵa degen sura­ny­syn qamtamasyz etedi. Iske asyrý nátı­jesinde 700 jumys orny ashylady. Iske qosý 2029 jyly kútilýde. Inves­tısııa kólemi shamamen 1,5 mlrd dollar.

Keńes barysynda zamanaýı óner­kásiptik klasterlerdi qalyp­tas­tyrýǵa keshendi kózqarastyń qajettiligi atap ótildi.

«Osy sektorlardaǵy jańa jobalar qosylǵan quny joǵary ónim shyǵarýǵa, zamanaýı tehnologııa­lardy engizýge jáne básekege qabi­letti klasterlerdi qalyptas­tyrý­ǵa baǵyttalǵan ındýstrııalyq ósýdiń berik tuǵyryna aınalýǵa tıis. Olardyń aınalasynda shaǵyn jáne orta bıznes kásip­oryndary, servıstik kompanııalar, logıstıkalyq ortalyqtar jáne zamanaýı ınfraqurylym bel­sendi túrde damýy kerek. Biz myńdaǵan jańa jumys ornyn qurýǵa, barlyq óńirdiń ekonomıkasyn jandandyrýǵa múmkindik beretin qýatty mýltıplıkatıvtik áserge senemiz», dedi O.Bektenov.