Foto: Úkimettiń baspasóz qyzmeti
Aıta keteıik, zııankestermen kúresýge respýblıkalyq bıýdjetten 7,1 mlrd teńge bólingen. Jumysqa 443 birlik búrikkish tehnıkasy men 4 625 maman jumyldyrǵan.
Mınıstrdiń málimetinshe, 12 mamyrdaǵy jaǵdaı boıynsha Jambyl jáne Túrkistan oblystarynda shegirtke zııankesteri dernásilderiniń taralýy baıqalady. 1 388,9 myń gektar jer zerttelgen onyń 396,6 myń gektary óńdeýge jatady. Jalpy 390,8 myń ga, onyń ishinde Jambyl oblysynda – 27,8 myń ga, Túrkistan oblysynda – 363,8 myń ga óńdelgen.
Oljas Bektenov qajetti qorǵaý sharalaryn júrgizýdi qamtamasyz etýdi jáne vedomstvo men óńirler arasyndaǵy ózara is-qımyldy kúsheıtýdi tapsyrdy.
«Aıdarbek Seıpiluly, óńirlerdiń ákimderimen birlesip, zııankesterge qarsy sapaly monıtorıngti, profılaktıkalyq jáne qorǵaý sharalaryn júrgizýdi qamtamasyz etý kerek. Shegirtkeniń taralý boljamdaryn únemi jańartyp otyryp, jedel sharalar qabyldaý úshin vedomstvoaralyq úılestirýdi kúsheıtý qajet. Qazirgi sátte Túrkistan jáne Jambyl oblystarynda shegirtkemen kúreske erekshe nazar aýdaryńyz», dedi Premer-mınıstr.
