Týrnırdiń uıymdastyrýshysy — PGL Esports, álemdegi táýelsiz kıbersport uıymy. Júlde qory – 1 250 000 AQSh dollary.
Týrnırge AQSh, Germanııa, Serbııa, Brazılııa, Ýkraına, Mońǵolııa, Reseı jáne basqa da elderden kelgen 16 komanda qatysýda. Komandalar quramynda Qazaqstannan 5 ókil bar: oıynshylar K.Faıznýrov (laqap aty - ICY), A.Qaıyrjan (kade0), S.Orazaly (dukefissura), D.Golýbenko (molodoy), sondaı-aq jattyqtyrýshy R.Telepov (mou).
Týrnır eki kezeńnen turady:
1. Toptyq kezeń (Elimination Stage)
О́tetin orny – Astana qalasyndaǵy jabyq oıyn alańdary.
Formaty – shveısarııalyq júıe (Swiss). Barlyq matchtar Best of 3 formatynda ótedi.
3 jeńiske jetken komandalar kelesi kezeńge ótedi, al 3 ret jeńilgender jarystan shyǵady.
Barlyq matchtar onlaın translıasııa arqyly kórsetiledi: https://www.youtube.com/watch?v=q6cCuly0mVI
2. Pleı-off kezeńi (Champions Stage)
О́tetin ýaqyty – 16-18 mamyr, orny – Astanadaǵy «Barys Arena».
Bul kezeńge toptyq irikteý nátıjesinde úzdik shyqqan 8 komanda qatysady.
Format – juptyq joıý júıesi (single elimination). Barlyq matchtar Best of 3 formatynda ótedi.
Fınaldyq kezdesý de Best of 3 formatynda oınalady. Jeńimpaz komanda PGL Major Astana 2025 týrnıriniń chempıony atanyp, bas júldeni ıelenedi.
Qazaqstan Kıbersport federasııasy bul týrnırdiń elimizde ótýi Qazaqstannyń jahandyq kıbersport arenasyndaǵy ornyn nyǵaıtyp, otandyq kıbersporttyń damýyna serpin beretin mańyzdy qadam ekenin atap ótti. Sondaı-aq halyqaralyq qaýymdastyqtyń nazaryn aýdarýǵa, ınfraqurylymdy jaqsartýǵa jáne jergilikti oıynshylar úshin jańa múmkindikter týǵyzýǵa yqpal etedi dep sanaıdy.
