Aıta keteıik, buǵan deıin qala ákimdigi turmystyq qatty qaldyqtardy qaıta óńdeýge arnalǵan polıgondy jeke kásipkerge 15 jyl merzimge senimgerlik basqarýǵa bergen bolatyn. Kelisimshart talaptaryna saı, kásipker ýákiletti organdarǵa turaqty esep berýge, tapqan paıdasynyń jartysyn syıaqy retinde jáne taza kirisiniń bir bóligin memleket paıdasyna aýdaryp otyrýǵa tıis edi.
Alaıda, senimgerlik basqarýshy bul sharttardyń eshbirin oryndamaǵan. Eń ókinishtisi, ákimdik tarapynan kelisimniń oryndalýyna baqylaý jasalmaǵan. Nátıjesinde, memleket múddesine eleýli nuqsan keldi.
Atalǵan zańbuzýshylyqtarǵa qalalyq prokýratýra nazar aýdaryp, tekseris júrgizgennen keıin, jalpy quny 900 mıllıon teńge bolatyn aktıvter – 700 mıllıon teńgege baǵalanǵan qaldyqtardy qaıta óńdeý kesheni men 210 mıllıon teńge turatyn, jalpy kólemi 326 gektardy quraıtyn 16 jer telimi memleket menshigine qaıtaryldy.
