Depýtat Aıan Zeınollınniń málimdeýinshe, zań jobasynyń negizgi normalary mynadaı baǵyttarǵa arnalǵan:
-
azamattyq qorǵaý júıesin kúsheıtý jáne qyzmetkerlerdiń mártebesin arttyrý;
-
memlekettik materıaldyq rezerv júıesin ortalyqsyzdandyrý;
-
órt qaýipsizdigine baqylaýdy qaıta engizý;
-
seısmıkalyq qaýipsizdikti qamtamasyz etý;
-
ómirge qaýip tóndiretin qol jetýi qıyn aımaqtarǵa saıahat kezinde marshrýttar týraly habarlaý tártibin belgileý.
Zań jobasynyń ekinshi oqylymyna daıyndyq barysynda onyń normalary depýtattar tarapynan edáýir qaıta qaraldy. Sonymen qatar, kelesi jańa bastamalar engizildi:
-
adamdar kóp jınalatyn nysandardyń ıelerine órt saldarynan úshinshi tulǵalarǵa zııan keltirilgen jaǵdaıda azamattyq-quqyqtyq jaýapkershiligin mindetti saqtandyrý;
-
tótenshe jaǵdaılardyń aldyn alý boıynsha ortalyq jáne jergilikti atqarýshy organdardyń qyzmetine memlekettik baqylaý júrgizý;
-
jahandyq nemese óńirlik aýqymdaǵy tótenshe jaǵdaılardy joıý boıynsha respýblıkalyq jedel shtab qurý jáne onyń jumys tártibin aıqyndaý;
-
órttiń aldyn alý jáne sóndirý is-sharalaryna erikti órt sóndirýshi retinde tartylǵan qyzmetkerlerdiń eńbek kepildikterin saqtaý;
-
erikti órt sóndirýshiler jaraqat alǵan, aýrýǵa shaldyqqan jaǵdaıda eń tómengi jalaqydan kem emes mólsherde ótemaqy alý quqyǵyn bekitý;
-
ınflıasııa men valıýta táýekelderin eskere otyryp, elektr energııasy óndirisi salasynyń ınvestısııalyq tartymdylyǵyn arttyrý úshin elektr qýatyn ustap turý qyzmetine arnalǵan jeke tarıfterdi jyl saıyn ındeksteý;
-
memlekettik múlikti tikeleı satý arqyly jekeshelendirý normalaryn alyp tastaý;
-
affılıırlengen tulǵalardyń aýksıondarǵa jáne saýda-sattyqtarǵa qatysýyna tyıym salý arqyly jekeshelendirý mehanızmin aıqyndaý;
-
jarǵylyq kapıtalynda memlekettiń 100% qatysýy bar aksıonerlik qoǵamdarda korporatıvtik basqarý júıesin jetildirý.
Sonymen qatar, zańda azamattyq qorǵaý organdary qyzmetkerleriniń kelesi quqyqtary bekitiledi:
-
turǵyn úıge muqtaj qyzmetkerlerge turǵyn úı tólemderin alý;
-
qyzmettik turǵyn úıdi jekeshelendirý;
-
qyzmettik aýysym kezinde otbasyn kóshirý men jol shyǵyndaryn óteý úshin kóterme járdemaqylar men ótemaqylar alý.
Sondaı-aq, tótenshe jaǵdaı, áskerı nemese erekshe jaǵdaı kezinde, sondaı-aq terrorızmge qarsy operasııalar júrgizý kezinde qyzmet etkenderge úsh ese aqshalaı tólem men bir kún qyzmet úshin úsh kún eńbek ótili esebinde esepteletin ústemeaqylar qarastyrylǵan.
