Italııanyń Týrın qalasyndaǵy «Chellendjer» týrnırin Aleksandr Býblık sátti bastady. Elimizdiń birinshi raketkasy tusaýkeser kezdesýde jergilikti oıynshy Matteo Gıgantty 6:3, 6:1 esebimen oısyrata utty. Bul match bir saǵatqa sozyldy. Endi Býblık Italııanyń taǵy bir ókili Federıko Arnaboldımen kezdesedi.
Qazaqstannyń ekinshi raketkasy Aleksandr Shevchenkonyń da aıaq alysy jaman emes. Ol Fransııanyń Bordo qalasynda tusaýy kesilgen týrnırdiń alǵashqy aınalymynda sol eldiń ókili Ýgo Grenemen kúsh synasty. 1 saǵat 45 mınýtqa sozylǵan saıys 7:6, 6:1 esebimen aıaqtaldy. Al Beıbit Juqaev Horvatııanyń Zagrebindegi jarysta sátsizdikke ushyrady. Qandasymyz shveısarııalyq Jerom Kımge jol berdi.
