Palata tóraǵasy Senatqa kelgen meımandarǵa iltıpat bildirip, Qazaqstan men Armenııa arasynda joǵary deńgeıde syndarly jáne senimdi dıalog qalyptasqanyn atap ótti. Sondaı-aq memleket basshylary belgilep bergen ózara is-qımyldyń qalyptasqan qarqynyn ári qaraı saqtaýdyń mańyzdy ekeni aıtyldy.
«Armenııa – Qazaqstannyń senimdi jáne jaqyn seriktesteriniń biri. Elderimiz arasynda ózara qurmetke negizdelgen saıası dıalog qalyptasty. Ekonomıkalyq ózara is-qımyl nyǵaıyp keledi. Mádenı-gýmanıtarlyq baılanys jolǵa qoıylǵan. Osy rette Qazaqstan Prezıdenti Qasym-Jomart Kemeluly Toqaevtyń byltyr Erevanǵa jasaǵan alǵashqy resmı sapary men Armenııa Prezıdenti Vaagn Garnıkovıch Hachatýrıannyń Astanaǵa jasaǵan saparyn atap ótkim keledi. Sapar kezinde birqatar mańyzdy qujatqa qol qoıyldy. Olardyń qatarynda Qazaqstan men Armenııa basshylyǵynyń Birlesken málimdemesi jáne 2024–2025 jyldarǵa arnalǵan saýda-ekonomıkalyq yntymaqtastyq jónindegi jol kartasy da bar. Qabyldanǵan qujattar qazaq-armıan dostyǵy men seriktestiginiń myzǵymastyǵyn rastaı otyryp, yntymaqtastyqtyń jańa baǵdarlaryn belgilep berdi», dedi M.Áshimbaev.
Sonymen qatar Senat spıkeri Prezıdent Qasym-Jomart Toqaev Alen Sımonıandy qabyldaǵanyna nazar aýdaryp, sol kezde ótken kelissózderdiń mańyzyna toqtaldy. Kezdesý barysynda ekijaqty yntymaqtastyqty, onyń ishinde parlamentaralyq baılanysty odan ári nyǵaıtý qajet ekeni sóz boldy.
«Biz Qazaqstan men Armenııa Parlamentteri arasynda qalyptasqan dostyq baılanystardy joǵary baǵalaımyz. Qazirgi tańda bizdiń parlamentaralyq qarym-qatynasymyz júıeli jáne jan-jaqty sıpatqa ıe. Eki Parlamentte de dostyq toptary qurylyp, belsendi jumys istep keledi. Aldaǵy ýaqytta da Qazaqstan men Armenııa depýtattarynyń ózara saparlary jalǵasa beredi dep úmittenemiz. Depýtattarymyz TMD Parlamentaralyq assambleıasy, EQYU Parlamenttik assambleıasy, Eýropa Keńesi jáne Parlamentaralyq Odaq aıasynda kópjaqty formatta tyǵyz baılanys ornatty. Sizdiń Qazaqstanǵa saparyńyz parlamentaralyq yntymaqtastyqty ári qaraı keńeıte túsedi dep senemin», dedi Senat spıkeri.
Kezdesý barysynda taraptar saýda-ekonomıkalyq jáne ınvestısııalyq yntymaqtastyqtyń áleýetine de toqtaldy. Naqty aıtqanda, kólik jáne logıstıka, energetıka, IT sııaqty eki tarap ta múddeli salalarda birlesken jobalardy iske asyrýǵa qatysty usynystar aıtyldy.
Senat tóraǵasy eki halyq arasyndaǵy mádenı-gýmanıtarlyq yntymaqtastyqty nyǵaıtýdyń da mańyzdy ekenin tilge tıek etip, rýhanı dıplomatııany ilgeriletý máselelerine mán berdi. Bul rette bıyl qyrkúıek aıynda Astanada ótetin Álemdik jáne dástúrli dinder kóshbasshylarynyń VIII sezine daıyndyq barysy týraly keńirek sóz boldy.
О́z kezeginde Armenııa Ulttyq jınalysynyń tóraǵasy Alen Sımonıan Qazaqstannyń beıbitshilik pen yntymaqtastyqty nyǵaıtýdy kózdeıtin halyqaralyq bastamalaryna joǵary baǵa berdi jáne kópjosparly ózara baılanysty odan ári nyǵaıtýǵa múddeli ekenin jetkizdi.
