Syrdarııa sýy ortaq kelisimmen úlestiriledi

О́zbekstandaǵy halyqaralyq forýmǵa 30-dan astam elden sarapshy, kásipker, memlekettik organ ókilderi, energetıka salasynyń mamandary qatysty. Sessııalar men paneldik talqylaýlarda 90-ǵa tarta spıker sóz sóıledi. Is-shara aıasynda jańartylatyn energııa kózderi, energııa tıimdiligi, aımaqtyq yntymaqtastyq jáne bolashaq energetıkalyq sheshimder syndy mańyzdy máseleler qaraldy. Osylaısha, forým qatysýshylary salanyń damý keleshegin talqylap, tájirıbe almasýǵa múmkindik aldy.

Elimizdiń Energetıka mınıstri Erlan Aqkenjenov «О́zbekstannyń energetıkalyq aptalyǵy» (CAEx) kórmesiniń jumysyna arnaıy qatysty. Onda qazaqstandyq kom­panııalardyń stendterine nazar aýdaryp, olardyń salany damytýǵa jáne ınnovasııalyq jobalardy iske asyrýǵa qosqan úlesin atap ótip, energetıka salasyndaǵy zamanaýı tehnologııalar men ázirlemelermen tanysty.

Tashkenttegi halyqaralyq energetı­kalyq forým aıasynda E.Aqkenjenov óńirlik yntymaqtastyqty nyǵaıtýǵa baǵyt­talǵan birqatar mańyzdy kezdesý ótkizdi. Qazaqstan, О́zbekstan jáne Qyrǵyzstannyń energetıkalyq jáne sý resýrs­taryna jetekshilik ete­tin mınıstrlerdiń jospar­ly úshjaqty kezdesýi uıymdas­tyrylyp, onyń qorytyndysy boıynsha energetıkalyq nysandar jumysynyń kelisil­gen rejimderin jáne aldaǵy vegetasııalyq kezeńge Syrdarııa ózeni basseıninde sý bólý tártibin aıqyndaıtyn hattamaǵa qol qoıyldy.

Bul Sý resýrstaryn teńgerim­di paıda­laný­dy jáne Ortalyq Azııa­nyń energııa júıe­leriniń turaq­ty jumysyn qamtama­syz etýge baǵyt­talǵan úsh eldiń turaq­ty ynty­maqtastyǵy sheń­berindegi mańyzdy qadam boldy. Mundaı rejimderdi ár vegetasııa­lyq kezeńge deıin talqy­laý jáne kelisý elder­diń qazir­gi gıdro­logııa­lyq jaǵ­da­ıyn jáne sý men ener­getı­kalyq re­sýrstarǵa degen qa­jet­tilikterin eskerýge múmkindik beredi.

– Biz energetıkadaǵy tehno­logııalyq jańalyqtardy qadaǵalap, óndirýshilerimizge qoldaý kórsetý­di jalǵas­tyra­myz. Bul sektordy jańǵyrtý jáne óńirlik áriptes­tigimizdi nyǵaıtý úshin mańyzdy, – dedi E.Aqkenjenov.