Foto: egemen.kz/ Erlan Omar
Pedagogterdi jumysqa qabyldaý boıynsha eń joǵary kórsetkish Túrkistan, Almaty, Jambyl oblystary men Shymkent qalasynda tirkelgen. Sonymen qatar, jas mamandar legi de artyp keledi. Kadr qajettiligi pedagogıkalyq joǵary oqý oryndaryn jańadan bitirgen túlekter esebinen de qamtamasyz etilip jatyr.
«Pedagogtar sanynyń artýy elimizdiń orta bilim berý júıesindegi kadr tapshylyǵyn joıýǵa múmkindik berdi. Búginde elimizdegi muǵalimderdiń 73%-y joǵary biliktilik sanatyna ıe. Bul - kásibılik pen bilim sapasynyń mańyzdy kórsetkishi», dedi Oqý-aǵartý mınıstrliginiń resmı ókili Mereke Amangeldiqyzy.
Prezıdenttiń bastamasymen bıyl alǵash ret birden eki muǵalimge «Eńbek Eri» ataǵy berilgen. Taǵy 36 muǵalim memlekettik nagradalarmen marapattalyp, 64-i «Úzdik pedagog» dep tanylǵan. Olardyń barlyǵy memleketten 1000 aılyq eseptik kórsetkish mólsherinde 3,5 mıllıon teńgeden astam syıaqy alǵan.
