18 mamyr kúni saǵat 13:00-den bastap táýlik boıy naızaǵaı oınap, burshaq aralas nóser jańbyr jaýady degen boljam bar. Jaýyn-shashyn mólsheri 20 mm-ge deıin jetýi múmkin. Batystan, soltústik-batystan soqqan jeldiń ekpini 3–8 m/s, naızaǵaı kezinde 18–23 m/s deıin jetedi.
19 mamyrda da qubylmaly aýa raıy saqtalyp, túnde saǵat 05:00-ge deıin jańbyr jaýýy múmkin, kúndiz jaýyn-shashynsyz. Aýa temperatýrasy túnde +13…+15°S, kúndiz +20…+22°S. Jel ońtústik-batystan 3–8 m/s.
Sondyqtan Almaty qalalyq kommýnaldyq qyzmetteri kúsheıtilgen rejımge aýystyryldy. Túngi ýaqytta 366 arnaıy tehnıka birligi men 355 jol jumysshysy jumyldyryldy. Al 18 mamyr kúndiz seldiń aldyn alý maqsatynda 515 tehnıka birligi, 27 motopompa jáne 755 jumysshy qala kóshelerine shyǵady.
Sonymen qatar, motopompalarmen jabdyqtalǵan 42 jedel brıgada daıyndyq rejıminde jumys isteıdi.
Aryq jelileri men jaýyn sýyn qabyldaıtyn tuzaqtardy tazalaý men baqylaý jumystaryna erekshe kóńil bólinip otyr. Qaladaǵy problemalyq ýchaskelerde táýlik boıy tazalaý jumystary júrgizilýde.
Almaty qalasy qutqarý qyzmeti («Almaty qalasynyń qutqarý qyzmeti» MKK) tarapynan 15 tehnıka birligi men 50 qyzmetker, al TJD tarapynan 55 tehnıka birligi men 245 maman kezekshilikke shyqty.
