Elbasy bastamalary árdaıym eldi biriktiredi

Ulyqtaý rásiminde Elbasy N.Á.Nazarbaev elimizdiń aldynda turǵan bes aýqymdy ishki mindetti atap, ishki turaqtylyǵymyzdyń tiregi retinde orta taptyń úlesin eseleýge, bıznesti damytýǵa, orta tabysy bar azamattar sanyn meı­­linshe kóbeıtýge erekshe toqtaldy. Yntymaǵy yrysty, birligi bekem elimizdiń isker azamattary osy mereıli mindetti bir­aýyzdan qoldap, jańa jumys oryndaryn qurý arqyly tur­ǵyndardyń ál-aýqatyn arttyrý baǵytynda jumys jasaýǵa ázir. Jáne de bul mindetti iske asyrýdy kásiptiń kózin tez tabatyn ońtústikqazaqstandyqtar erekshe mártebe sanaıdy. Búginde ulysymyzdyń uıyt­­qysy sanalatyn Ońtústik Qazaq­stan oblysynda 180 myń­ǵa jýyq shaǵyn jáne orta kásip­kerlik sýbektileri jumys istep tur. Munan bólek memlekettik qoldaýdyń aıasynda iske qosylyp, jemisti jumys jasap jatqan kompanııalar da jetkilikti. Dıqandarymyz baý-baqsha men kókónis ósirip, ony baptaýda ózge óńirlerden oq boıy ozyp tur. Aldaǵy jyldary elimizde ónim óndirýshilerdiń basym bóligi shaǵyn jáne orta bızneske tıesili bolýy qajet. Osy turǵydan alǵanda Elbasy bastamalary árdaıym eldi biriktirip, orny bólek orta tapty qalyptastyrýǵa súbeli úles qosary sózsiz. Sháripbek JAMALBEK, «OQO Azamattyq alıans» zańdy tulǵalar birlestiginiń tóraǵasy. Ońtústik Qazaqstan oblysy.