Foto: Eńbek jáne halyqty áleýmettik qorǵaý mınıstrliginiń baspasóz qyzmeti
2017 jyldan bastap Qazaqstan resmı túrde halqy qartaıyp jatqan elderdiń qataryna kirgen. Búginde 65-ten asqan shamamen 1,87 mıllıon adam – halyqtyń 9,2%-yn qurap otyr. Salystyrǵanda 2020 jyly 6,8% bolǵan eken.
Aıta ketsek, 2020 jyly respýblıkada alǵashqy belsendi uzaq ómir súrý ortalyǵy ashylsa, 2021 jyly «Belsendi uzaq ómir súrý» is-sharalar jospary (2025 jylǵa deıingi) qabyldanyp, onyń aıasynda zańnamaǵa ózgerister engizilip, vedomstvoaralyq komıssııa quryldy jáne belsendi uzaq ómir súrý ındeksi esepteldi.
Atalǵan ortalyqtardyń jumysy bastalǵannan beri 20 myńnan astam is-shara ótkizilip, 3,8 myńnan astam qyzmet kórsetilgen – olardyń qatarynda medısınalyq, psıhologııalyq, mádenı jáne bilim berý qyzmetteri bar. Munyń bári egde adamdardyń belsendi bolýyna jáne densaýlyǵy men kóńil-kúıiniń jaqsartýyna septesti.
«Belsendi uzaq ómir súrý ortalyqtary «bir tereze» qaǵıdaty boıynsha úsh baǵytta jumys isteıdi: belsendi uzaq ómir, densaýlyq mádenıeti jáne qoǵammen baılanys. BUО́O-nyń qyzmeti – egde adamdardy belsendi uzaq ómir súrýge yntalandyrýǵa, onyń ishinde júıeli bos ýaqytty uıymdastyrýǵa (ıoga, skandınavııalyq júris, sıfrlyq saýattylyqty arttyrý, motıvasııalyq jáne kásipkerlik kýrstar, t.b.), qoǵam ómirine qatysýǵa baǵyttalǵan», dep habarlandy Eńbek jáne halyqty áleýmettik qorǵaý mınıstrliginen.
