Tanba taýarlardy tańbalaý men qadaǵalaýdyń biryńǵaı operatory naryqtaǵy ónimniń zańdylyǵyn tolyq qadaǵalaýdy qamtamasyz etedi. Iаǵnı tańbalanbaǵan taýarlardy satý yqtımaldyǵyn, naryqta esepke alynbaǵan nemese kontrafaktilik preparattardyń túsý qaýpin joıady. Biryńǵaı operatordyń dereginshe, búgingi tańda 320 mıllıonnan astam dárilik zattardyń qaptamasy tańbalanǵan. Mindetti tańbalaý men qadaǵalaýdy engizý nátıjelerimen bólisken Atamiras.S iri dárilik dıstrıbıýtory dırektorynyń orynbasary Halıma Aıtileýova:
«Bizge tańbalanbaǵan taýar kelip túsken jaǵdaılar boldy. Eger tańbalaý kody bolmasa nemese oqylmasa, onda preparat avtomatty túrde karantınge jiberiledi jáne másele sheshilgenge deıin satýǵa jol berilmeıdi», dep atap ótti.
Tańbalaýdy engizý sandyq esepke alýdyń dáldigin arttyrýǵa múmkindik berdi. Mysaly, qazir júz qaptamanyń ishinde bir danasy jetispese de júıede birden tirkeledi. Bul dárihanalar men medısınalyq uıymdardyń táýekelderi men shaǵymdarynyń sanyn aıtarlyqtaı azaıtady. Dıstrıbıýtordyń naqtylaýynsha, eger buryn ónimdi qurastyrý kezinde serııasyn shatastyrý, qaptamany durys sanamaý sııaqty adam qatelikteri týyndaýy múmkin bolsa, endi júıe ár birlik sáıkes kelgenshe shot-faktýrany júrgizbeıdi. Qateniń qaı jerde oryn alǵanyn birden kórýge, tez túzetýge bolady.
Sandyq tańbalaý sur aınalym men sapasyz preparattardy yǵystyra otyryp, naryqty ózgerte bastady. Sala qatysýshylarynyń pikirinshe, bul naryqtyń ashyqtyǵyn, tutynýshylardyń senimin arttyrdy.
«О́zim de dárihanadan dári-dármek satyp alǵanda qarapaıym tutynýshy retinde qoldanba arqyly tańbalaýdy tekseremin. Bul preparattyń zańdy ekendigine jáne baqylaýdyń barlyq kezeńderinen ótkenine senimdilik beredi», deıdi H.Aıtileýova.
Dárilik zattardan basqa temeki buıymdary men aıaq kıim mindetti tańbalaýǵa jatady. Zergerlik buıymdardy, toqyma ónerkásibi taýarlaryn, motor maılaryn jáne syra qaınatý ónimderin tańbalaý boıynsha pılottyq jobalar aıaqtaldy. Jaqynda bıologııalyq belsendi qospalardy tańbalaý synaqtan óte bastady. Iske qosý satysynda turmystyq hımııa jáne medısınalyq buıymdar boıynsha jobalar tur.
