Erlan Qarın balalardy qorǵaý boıynsha elimizde qolǵa alynyp jatqan negizgi reformalar týraly, sonyń ishinde psıhologııalyq jáne otbasylyq qoldaý ortalyqtary jelisin damytýǵa, zorlyq-zombylyq pen býllıngtiń aldyn alýǵa arnalǵan jańa ádistemelerdi engizýge qatysty jumystar jóninde aıtyp berdi. Sondaı-aq osy saladaǵy memlekettik saıasattyń barlyq baǵytyn biriktiretin «Qazaqstan balalary» atty keshendi baǵdarlamaǵa toqtaldy.
Redjına De Domınıchıs Qazaqstannyń halyqaralyq mindettemelerdi iske asyrý jolyndaǵy jumystaryn joǵary baǵalady. Ol Qazaqstannyń ornyqty damý maqsattaryn ilgeriletý isinde mańyzdy ról atqaratynyn, jańa óńirlik bastamalar aıasynda belsendi yntymaqtastyqqa daıyn ekenin jetkizdi.
Kezdesýge Bala quqyqtary jónindegi ýákil Dınara Zákıeva da qatysty. Ol sýısıdtiń, zorlyq-zombylyq pen býllıngtiń aldyn alýǵa baǵyttalǵan sharalardy qamtıtyn «Safe Kids» atty ulttyq baǵdarlamany tanystyrdy.
Jıyn qorytyndysynda taraptar seriktestikti odan ári tereńdetýge jáne óskeleń urpaqtyń ıgiligi úshin birlesken bastamalardy iske asyrýǵa múddeli ekenin rastady.
