Foto: ashyq derekkóz
Alǵashqy altyndy arýlarymyz toptyq kópsaıysta ıelendi. Jeńimpaz komandanyń sapynda Aızere Keńes, Aıda Hakimjanova, Mádına Myrzabaı, Aızere Nurmaǵambetova, Krıstına Chepýlskaıa jáne Jasmın Júnisbaeva syndy sulýlar óner kórsetti. Ekinshi oryndy Ońtústik Koreıa enshilese, О́zbekstan úshinshi satyǵa taban tiredi.
Kóp keshikpeı Aıbota Ertaıqyzy «taspa» jattyǵýynda aldyna jan salmasa, Aqmaral Erekesheva «dop pen taspada» altynnan alqa taqty. Odan keıin Qazaqstan quramasy toptyq jattyǵýda top jardy. Olar 26,65 upaı jıdy. Ekinshi jáne úshinshi oryndardy О́zbekstan (25,15 upaı) men Ońtústik Koreıa (24,25 upaı) ıemdendi. Jerlesterimiz «3 saqına men 2 jup urshyq» jattyǵýynda da jeńis tuǵyrynyń eń bıik satysyna kóterildi.
Bizdiń qyzdar bes altynnan bólek, tórt kúmis pen eki qolaǵa qol jetkizdi. Bul júldeler Aıbolta Ertaıqyzy, Aıym Meıirjanova, Aqmaral Erekesheva, Aıǵanym Rysbekke tıesili. Sondaı-aq, komandalyq saıystarda da oljaǵa keneldik. Sóz oraıy kelgende jerlesterimizdi bul jarysqa Merýert Balǵynbaeva esimdi bilikti bapkerdiń baptap aparǵanyn da aıta ketýge tıispiz.
