Ipotekaǵa qol jetkizý jeńildedi
«Naýryz» baǵdarlamasy sheńberinde azamattar bastapqy jarna retinde páter qunynyń nebári 10 paıyzyn jınasa jetkilikti. Ipotekalyq nesıeniń jyldyq paıyzdyq mólsherlemesi áleýmettik osal toptar úshin 7%-dy quraıdy (JTSM — 7,1%-dan 9,6%-ǵa deıin), al basqa sanattaǵy qatysýshylar úshin bul kórsetkish 9%-ǵa deıin jetedi (JTSM — 9,4%-ten 13%-ǵa deıin).
2024 jyly iske qosylǵan «Naýryz» jáne «Otaý» baǵdarlamalary búgingi tańda biriktirilip, birtutas «Naýryz» ataýymen júzege asyp jatyr. Baǵdarlama bastalǵaly beri 11 481 azamat qonys toıyn atap ótti. Bıyl bul jobaǵa 12 myńnan astam adam tirkelip, onyń 2 767-si — Astana qalasynyń turǵyndary.
Qazirdiń ózinde 1 235 astanalyq ózderiniń tólem qabiletin rastap, Otbasy banki tarapynan nesıe alýǵa maquldandy. Al 403 otbasy jańa baspanalaryna qonystanyp úlgerdi.
«Baǵdarlama qatysýshylaryna baspana tańdaý úderisin jeńildetý maqsatynda biz seriktesimiz – GBG kompanııasymen birge turǵyn úı keshenderine arnaıy týr uıymdastyrdyq. Týr barysynda páter brondaýǵa sheshim qabyldaǵan azamattar qurylys kompanııasynyń arnaıy jeńildigine ıe bola alady», dedi Otbasy bankiniń ortalyq fılıaly bıznesti damytý basqarmasynyń basshysy Merýert Ádilbaeva.
Saraıshyqtaǵy zamanaýı ómir salty
Astananyń qarqyndy damyp kele jatqan aýdandarynyń biri – Saraıshyq yqshamaýdany búginde jańa kelbetke ıe bolyp keledi. Munda boı kóterip jatqan «Dauletti qalashyq» turǵyn úı kesheni astanalyqtar úshin erekshe tartymdy. Bul jobany júzege asyryp otyrǵan — Grand Building Group kompanııasy. 2020 jyldan beri 300 myń sharshy metrden astam turǵyn úı salyp, 3 500-den astam otbasyny baspanamen qamtyǵan kompanııa sapa men senimdilikti basty qaǵıda etip keledi.
«Dauletti qalashyq» — tek kópqabatty úıler jıyntyǵy ǵana emes, ulttyq qundylyqtardy ulyqtaýǵa arnalǵan rýhanı-mádenı joba. Mundaǵy árbir úıdiń ataýy belgili bir maǵynany bildiredi. Máselen, Bilim 2 turǵyn úıi — bilim men danalyqty dáripteýge arnalǵan. Atalǵan keshenniń mańynda mektepter men balabaqshalar shoǵyrlanǵan. Sondaı-aq bul aýdandy bolashaqta LRT jelisimen baılanysatyn «Jibek joly» saýda ortalyǵy da ornalasqan.
Ashyqtyq pen aıqyndyq — basty ustanym
Otbasy bank pen GBG kompanııasy baǵdarlama qatysýshylary men BAQ ókilderine arnaıy baspasóz týryn uıymdastyryp, páterlerdi kózben kórý múmkindigin usyndy. Týr aıasynda Bilim turǵyn úıi kórsetilip, ár sharshy metr úshin 30 000 teńge kóleminde jeńildik jarııalandy. Sonymen qatar, 100 000 teńgeden 500 000 teńgege deıingi arnaıy lotereıalyq jeńildikter usynyldy.
«Biz búgin «Naýryz» baǵdarlamasyna qatysýshylar úshin arnaıy ekskýrsııa uıymdastyryp otyrmyz. Bilim atty bıznes-klass sanatyndaǵy turǵyn úı keshenin kórsetip, turǵyndarǵa aýdan ınfraqurylymymen de tanysýǵa múmkindik berdik. Saraıshyqta mektep pen balabaqsha jetkilikti, qoǵamdyq kólik pen saýda ortalyqtary da jaqyn ornalasqan. Týr barysynda biz VR-kózildirik arqyly páterdiń sońǵy árleýden keıingi kórinisin de kórsettik. Aıta keterlik jaıt – GBG jobalarynda KJK (qurylysty júzege asyrý kepildigi) júıesi qarastyrylǵan, bul salymshylardyń qarajatynyń memleket tarapynan qorǵalatynyn jáne páterdi qurylys kezinde satyp alýǵa bolatynyn bildiredi», dedi kompanııa marketology Ulan Dáýletqalı.
Páter rásimdeý burynǵydan da yńǵaıly
Baspasóz týrynyń sońynda qatysýshylar kompanııanyń satý keńsesinde bolyp, páter tańdaý men ıpotekalyq nesıeni rásimdeý úderisin kórdi. Endi Otbasy banki ókilderi qurylys kompanııasynyń keńsesinde tikeleı qyzmet kórsetedi. Bul – azamattardyń bankke baryp áýre bolmaı, barlyq rásimdi bir jerden sheshýine jol ashady.
Baǵdarlama aıasynda usynylyp otyrǵan páterler bastapqy jáne taza árleýde beriledi. Bul – jańa qonys ıelerine óz talǵamyna saı ınterer jasaýǵa múmkindik beredi.
Sondaı-aq qatysýshylar Baqyt turǵyn úı kesheniniń qurylys barysymen tanysty. Qoldanylǵan materıaldyń sapasy, nysannyń ashyq túrde kórsetilýi men naqty qurylystyq jospar – GBG-diń jaýapty qurylysshy ekenin kórsetedi.
Al Bailyq turǵyn úı kesheni – ulttyq naqysh pen zamanaýı arhıtektýrany úılestire bilgen, mádenı mazmuny tereń, ómir súrýge yńǵaıly turǵyn úı jobasy.
Baǵdarlamaǵa qatysyp, páter izdep júrgen qatysýshylardyń biri óz pikirimen bólisti:
«Bul baǵdarlamadaǵy eń basty artyqshylyq – tómen paıyzdyq mólsherleme men qoljetimdi bastapqy jarna. Jas otbasymyz úshin bul – úlken múmkindik. Biz aldyn ala daıyndalyp, Otbasy bankinde depozıt ashyp, aqsha jınadyq. Qazir baǵdarlamaǵa qatysýshy retinde tirkeldik, endi ózimizge laıyq baspanany izdep júrmiz, dedi bolashaq páter ıesi.
Iá, qazir baspana — jaı ǵana turǵyn úı emes, ol — turaqtylyq pen bolashaqqa degen senim. «Naýryz» baǵdarlamasy men Grand Building Group kompanııasynyń bastamalary — osy senimdi jolǵa aparar naqty múmkindik. Ashyqtyq, sapa, qoljetimdilik — qazirgi tańda óz úıim bolsyn degen árbir azamattyń armanyna jetýine jol ashyp otyr.
