Álem • 20 Mamyr, 2025

Týrıstke 114 mıllıon teńge aıyppul salynýy múmkin

60 ret

kórsetildi

1 mın

oqý úshin

Ispanııada týrıst ulttyq parktiń qorǵalǵan aýmaǵynda úlken tasty ádeıi saıǵa domalatyp, ony vıdeoǵa túsirip, áleýmettik jelige júktegen. Bul áreketi úshin ol rekordtyq kólemdegi — 168 myń fýnt sterlıngke deıin (shamamen 114 mıllıon teńge) aıyppul tóleýi múmkin. Egemen.kz Daily Mail-ge silteme jasap habarlady.

Qyrmyzy JUMAǴALIQYZY

Týrıstke 114 mıllıon teńge aıyppul salynýy múmkin

Foto: Ashyq derekkóz

Oqıǵa Ispanııanyń soltústiginde ornalasqan áıgili Pıkos-de-Eýropa ulttyq parkiniń aýmaǵynda, jylyna shamamen 300 myń adam júrip ótetin Cares Trail týrıstik baǵyty boıynda bolǵan. Tastyń laqtyrylýy tabıǵı landshafttyń qurylymyn buzyp, sol aýmaqta júrgen basqa týrıster men jabaıy janýarlarǵa qaýip tóndirgen.

Ispanııa bıligi bul oqıǵaǵa qatty alańdaýshylyq bildirip otyr. Tabıǵatty qorǵaý zańdary óte qatań sanalatyn bul elde mundaı áreketterge tózim kórsetilmeıdi.

«Bul — óte aýyr quqyqbuzýshylyq. Mundaı tas laqtyrý áreketi úshin 200 myń eýroǵa deıin aıyppul qarastyrylǵan», dedi resmı ókil.

Aıta keteıik, Pıkos-de-Eýropa ulttyq parki — Ispanııadaǵy eń kóne qorǵalatyn aımaqtardyń biri. Ol 1918 jyly qurylǵan jáne Astýrııa, Kantabrııa men Kastılııa-ı-Leon avtonomdy aımaqtarynyń aýmaǵynda ornalasqan.