Bilim • 21 Mamyr, 2025

Aýyl mektebiniń túlegi 36 sheteldik ýnıversıtetten shaqyrtý aldy

50 ret
kórsetildi
1 mın
oqý úshin

Túrkistan oblysy, Saryaǵash aýdanyna qarasty Qaplanbek aýyldyq okrýgindegi Qanaǵat aýylynda ornalasqan №7 Tóle bı atyndaǵy jalpy orta mekteptiń 11-synyp oqýshysy Aqjúnis Atahan sheteldiń 36 bedeldi joǵary oqý ornynan shaqyrtý aldy, dep habarlaıdy Egemen.kz.

Aýyl mektebiniń túlegi 36 sheteldik ýnıversıtetten  shaqyrtý aldy

Foto: Ashyq derekkóz

16 jastaǵy Aqjúnis  halyqaralyq qatynastar mamandyǵyn tańdaǵan.Túlek AQSh-tyń – 17, BAÁ-niń – 5, Túrkııanyń – 6, Malaızııanyń – 5 ýnıversıtetinen tolyq grant jeńip alsa, Kanadanyń bir oqý ornynan prezıdenttik shákirtaqymen oqý múmkindigi qarastyrylǵan.

Ulttyq biryńǵaı testileýde 111 ball jınaǵan Aqjúnis mektep qabyrǵasynan beri úzdik oqýshylardyń qatarynda. Ol aýyl mektebiniń tarıhynda alǵash ret mundaı kólemde halyqaralyq shaqyrtý alǵan oqýshy.