Foto: Oqý-aǵartý mınıstrligi
Qazirgi ýaqytta 105 bilim berý nysanynyń qurylysy aıaqtalǵan. Qalǵan 112 mektep 2025 jyldyń sońyna deıin paıdalanýǵa beriledi.
Bul mektepterdiń jartysyna jýyǵy aýyldyq jerlerde salynyp jatyr. Osylaısha, 200 myńnan astam aýyl balasy zamanaýı jaıly bilim berý ortasymen qamtylady.
«Bul joba – elimizde orta bilim sapasyn arttyrýǵa jáne qala men aýyl mektepteri arasyndaǵy alshaqtyqty joıýǵa baǵyttalǵan strategııalyq bastama. Bul — jaı ǵana mektep ǵımarattary emes, ult bolashaǵy ósip shyǵatyn kıeli bilim ordalary. Sondyqtan ulttyq joba aıasynda qalyptasatyn bilim uıymdaryn «Keleshek mektepteri» dep ataýdy usynyp otyrmyz», dedi Ǵanı Beısembaev Ortalyq kommýnıkasııa qyzmetiniń alańynda ótken brıfıngte.
Bul mekteptede oqýshylarǵa qolaıly, ergonomıkalyq bilim berý keńistigi qamtylady. Mektepterdiń kólemi tıptik jobalarǵa qaraǵanda, 15-20%-ǵa úlken, al tehnıkalyq jaraqtanýy 4 esege artyq. Barlyq mektep zamanaýı jıhazben jáne qural-jabdyqtarymen tolyqtaı qamtamasyz etilip, qaýipsizdik sharalary kúsheıtilgen. Bastaýysh jáne joǵary synyp oqýshylary úshin bólek bloktar qarastyrylǵan.
Al mektep qurylysyna qajetti materıaldar, mektep jıhazdary tek otandyq taýar óndirýshilerden satyp alynyp jatyr.
