Foto: Ashyq derekkóz
«Memleket basshysynyń bastamasymen qolǵa alynǵan jańa formattaǵy mektepterdi salý jobasy – elimizdiń bilim berý tarıhynda teńdesi joq bastama. «Jaıly mektep» XXI ǵasyrdyń talaptaryna saı bilim berý ınfraqurylymyn qalyptastyrýdaǵy strategııalyq qadam», dedi Ǵanı Beısembaev.
Ǵanı Beısembaev bul tek ǵımarattar emes, bolashaq urpaqtyń zııatkerlik jáne shyǵarmashylyq áleýetin damytatyn ınnovasııalyq bilim keńistikteri ekenin atap ótti. Joba balalarǵa teń múmkindik berýdi maqsat etedi, sondyqtan jańa nysandar «Keleshek mektepteri» dep atalady.
Mınıstrdiń málimetinshe, joba aıasynda elimizde 100-den astam mektep paıdalanýǵa berilgen. Nur-Sultan qalasynda «Jaıly mektep» standartynda salynǵan 9 jańa mektep úsh aýysymdy oqytý máselesin ishinara sheshýge múmkindik bergen.
«Aqmola oblysynda táýelsizdik alǵannan beri alǵash ret jańa zamanaýı mektep boı kóterdi. Al Almaty oblysynyń Qoshmambet aýylynda 1200 oryndyq zamanaýı, ozyq jabdyqtalǵan mektep paıdalanýǵa berildi – bul nysandar bilim berý sapasynyń jańa standartynyń aıqyn kórinisi. Árbir osyndaı mysal jobanyń naqty paıdasyn kórsetedi: balalar keń, jaryq synyptarda, zamanaýı tehnıkamen jabdyqtalǵan ortada bilim alýda, al ata-analar men muǵalimder oń ózgeristerdi qýanyshpen aıtyp otyr», dedi Ǵanı Beısembaev.
