Saıasat • 22 Mamyr, 2025

Yntymaqtastyq bolashaǵy pysyqtaldy

80 ret

kórsetildi

1 mın

oqý úshin

Túrki memleketteri uıymynyń (TMU) beıresmı sammıti qarsańynda Premer-mınıstrdiń orynbasary – Syrtqy ister mınıstri Murat Nurtileý TMU-ǵa múshe elderdiń Syrtqy ister mınıstrleri keńesiniń otyrysyna qatysty.

Egemen Qazaqstan

Foto: SIM-niń baspasóz qyzmeti

Is-sharaǵa qatysýshylar halyqaralyq kún tártibindegi ózekti máselelerdi talqylap, kólik, logıstıka, kommýnıkasııa jáne klımattyń ózgerýimen kúres salalarynda yntymaqtastyqty tereńdetýdiń mańyzdylyǵyn atap ótti.

SIM basshysy TMU-ǵa múshe elderdiń saýda, ınvestısııa, kólik jáne aýyl sharýashylyǵy salalaryndaǵy jetistikter men bolashaǵy zor baǵyttarǵa nazar aýdaryp, Uıym aıasyndaǵy ózara tıimdi yntymaqtastyqtyń keleshegin aıqyndady.

Otyrys barysynda TMU sammıtine daıyndyq barysy qaralyp, onyń aıasynda qol qoıylatyn qujattar jobalary maquldandy.

Is-shara alǵash ret Eýropada ornalasqan baqylaýshy eldiń aýmaǵynda ótti.

Atap ótsek, Túrki memleketteri uıymy 2009 jyly elimizdiń bastamasymen qurylǵan. Búginde oǵan Ázerbaıjan, Qazaqstan, Qyrǵyzstan, Túrkııa jáne О́zbekstan múshe. Majarstan men Túrikmenstan baqylaýshy mártebege ıe.