foto: ashyq derekkóz
Buǵan deıin Qytaı Qazaqstan aýmaǵy arqyly reseılik gaz jetkizý marshrýtyn ekonomıkalyq turǵydan tıimsiz ekenin aıtqan bolatyn. Apta ortasynda RF vıse-premeri Aleksandr Novak Qazaqstan aýmaǵy arqyly Qytaıǵa munaı tranzıtin 10 mln tonnadan 12,5 mln tonnaǵa deıin arttyrý jospary týraly habarlady.
Budan basqa, joba Qazaqstannyń soltústik-shyǵys óńirlerin qyzmetpen qamtamasyz etýge múmkindik beredi. Sondaı-aq reseılik kompanııamen 10 mlrd tekshe metrge deıingi kólemde taýarlyq gaz jetkizý múmkindigi talqylanýda. Osynyń esebinen atalǵan oblystar men astananyń áleýmettik jáne ónerkásiptik jobalary tabıǵı shıkizatqa qol jetkize alady.
Energetıka mınıstrliginiń boljamynsha, bul ınvestorlar úshin óńirlerdiń tartymdylyǵyn arttyrady. Budan basqa, elimizdiń gaz jelileriniń tranzıttik áleýeti artady. Vedomstvoda naqtylaǵandaı, búgingi tańda uzaqmerzimdi kelisimshart jasaý máselesi men taýarlyq gazdyń baǵasy ashyq kúıinde qalyp otyr. Qarjylandyrý kózderi, ınvestısııalar kólemi jáne jobalardy iske asyrý merzimderi de túpkilikti ýaǵdalastyqtarǵa qol jetkizilgennen jáne jobalaý-smetalyq qujattama ázirlengennen keıin aıqyndalatyn bolady.
Sarapshylardyń aıtýynsha, bul ázirge joba.
Halyqty kógildir otynmen qamtamasyz etý strategııalyq baǵyt. Sarapshylar gazben baılanysty kez-kelgen jobadan bas tartý bizge áli erte ekenin aıtady.
2024 jyldyń 1 qańtarynda gazdandyrý deńgeıi 60%-ǵa jetken edi.
20 mln adamdyń 12 mln-y gazǵa qol jetkizip otyr.
2025 jyly gazdandyrý deńgeıin 62,1%-ǵa jetkizý josparlanyp otyr.
2024 jyldyń 15 naýryzynda Prezıdent Qasym-Jomart Toqaev Ulttyq quryltaı otyrysynda Úkimetke jyldyń aıaǵyna deıin 300 myń adamdy gazben qamsyzdandyryp, 1 700 shaqyrym gaz qubyryn jańartý týraly tapsyrma berdi.
