Dzıýdo kúresinen álemdik jáne qurlyqtyq deńgeıdegi uıymdardyń basshylyq qyzmetinde qazaq mamandarynyń kóbeıýýi kóńilge qýanysh uıalatady. О́ıtkeni, Olımpııa oıyndary men álem chempıonaty, Azııa oıyndary men birinshilikteri jáne basqa da asa iri halyqaralyq jarystarda balýandarymyzǵa qııanat jasalǵan jaǵdaıda olarǵa arasha túsip, aqyrynyp teńdik suraıtyn taý tulǵalar bar. Máselen, Almas Álsenov esimdi azamat biraz jyldan beri Halyqaralyq dzıýdo federasııasy (IJF) prezıdentiniń kómekshisi qyzmetin atqarýda. Mine, endi basshylyq qyzmetke Tımýr Tursymbaev taǵaıyndaldy.
Tımýr Tóleýtaıuly kúrestiń bul túrinde kezdeısoq adam emes. Ol Qaraǵandy oblysynda dzıýdonyń damýyna eleýli úles qosty. Respýblıkalyq deńgeıde de moıyndaldy. Tursymbaev alǵashqy kúnderden bastap, 2022 jyly qurylǵan otandyq «Jeńis» klýbynyń tiziginin ustap, talaı ıgi-istiń basy-qasynda júrdi. Ol Almas Álsenovpen ıyq tirese jumys istep, Qaraǵandy oblysyndaǵy barlyq dzıýdo zaldaryna tatamı satyp áperip, qajeti quraldarmen jabdyqtady. Balýandar men bapkerlerdi halyqaralyq standarttarǵa saı sporttyq kıimdermen qamtymasyz etti. Oǵan qosa ár aı saıyn qosymsha taǵam, qajetti vıtamın jáne dári-dárýmender áperip turady. Bir sózben aıtsaq, qazirgi kezde Qaraǵandy oblysynyń qurama komandasy men «Jeńis» kásipqoı klýby músheleriniń esh alańsyz jattyǵýyna barlyq jaǵdaı jasalǵan. Al dzıýdoshylar óz kezeginde júktelgen mindetti asqan jaýapkershilikpen atqaryp, túrli baıraqty básekelerde jeńis tuǵyryna kóterilýde. Bir ǵana mysal, 2023 jyldyń jeltoqsan aıynda Almatyda «Jeńis» klýbynyń júldesi úshin asa iri halyqaralyq týrnır uıymdastyryldy. Bul básekede 11 memleketten kelgen 17 komanda kúsh synasty. Sol jarysta «Jeńistiń» sapyndaǵy saıypqyrandar jasyndaı jarqyldady. Sondaı-aq, byltyr Parıj Olımpıadasynda atoı salǵan Eldos Smetov pen Ǵusman Qyrǵyzbaev ta dál sol klýbynyń múshesi ekenin de jankúıerler jaqsy biledi.
