«Symdy ınternet naryǵyndaǵy básekelestiktiń jaı-kúıine josparly taldaý júrgizý barysynda «Qazaqtelekom» AQ tarapynan úı ınternetine monopolııalyq joǵary baǵa belgileý anyqtaldy. Qazirgi tańda osy fakti boıynsha tergeý júrip jatyr», dedi Bolat Sámbetov. Aıtýynsha, agenttikke uıaly baılanys pen ınternet qyzmeti baǵasynyń ósýine baılanysty azamattardan kóp shaǵym túsken. Osy máseleni eskere otyryp, birneshe baǵyt boıynsha tergeý jumystary júrgizilip keledi. «Byltyrǵy jyly júrgizilgen monıtorıng qorytyndysy boıynsha uıaly baılanys operatorlarynyń tarıfterinde de monopolııalyq baǵa belgileý belgileri baıqaldy. Qazir zań talaptaryna sáıkes naryqqa taldaý júrip jatyr. Eger bul taldaý baǵanyń negizsiz ekenin dáleldese, tergeý qaıta bastalady», dedi agenttik tóraǵasynyń orynbasary.
