Fotolar: QR Qorǵanys mınıstrligi
Qorǵanys mınıstrliginiń baspasóz qyzmetiniń málimdeýinshe taraptar ekijaqty áskerı yntymaqtastyqtyń aǵymdaǵy jaı-kúıi men perspektıvalyq baǵyttaryn, óńirlik qaýipsizdik máselelerin talqylady. Atap aıtqanda, áskerı oqý-jattyǵýlardy ótkizý, bilim berý, tildik daıyndyq jáne bitimgerlik qyzmet salasyndaǵy yntymaqtastyq týraly sóz boldy. Sondaı-aq, qarý-jaraq pen áskerı tehnıkany satyp alý jáne óndirý boıynsha birlesken jobalarǵa qatysty máseleler qozǵaldy.
Kezdesýlerde ekijaqty yntymaqtastyqtyń, onyń ishinde seriktestiktiń joǵary deńgeıin kýálandyratyn ózara saparlardyń oń dınamıkasyn atap ótti.
Sapar barysynda general-leıtenant Sultan Kamaletdınov Túrkııanyń joǵary áskerı oqý oryndarynda oqıtyn otandyq kýrsanttarmen kezdesti.
Qazaqstan delegasııasy Túrkııanyń áskerı nysandary men qorǵanys-ónerkásip kesheni kásiporyndarynda boldy.
