«AQYL» depozıtin ashýdyń tórt tásili bar
- Baspana market portalynda. Ol úshin otbasybank.kz saıtynda jeke kabınetke kirý kerek, sodan keıin «Meniń bankim» qoıyndysyn ashyp, «Depozıtterge» ótý kerek. Ári qaraı «Jańa depozıt» batyrmasyn basyp, «AQYL» depozıtin ashý qajet;
- Otbasy banktiń Otbasy bank mobıldi qoldanbasynda. Ol úshin mobıldi qoldanbada «Meniń bankim» batyrmasyn basý kerek, sodan keıin «Jańa depozıtti ashý» qoıyndysyna ótip, bilim depozıtin ashý batyrmasyn tańdaý kerek.
- Bank bólimshelerinde;
- Keńesshilerdiń kómegimen https://hcsbk.kz/network-agents/ siltemesi arqyly óz qalańyzdaǵy keńesshini tańdaýǵa bolady;
- Banktiń hcsbk.kz saıtyndaǵy beıne qońyraý arqyly.
Otbasy bankte «AQYL» depozıtteri buryn ashylyp qoıǵan adamdar ne isteýi kerek?
Eger Otbasy bankte «AQYL» depozıti buryn ashylyp qoıǵan bolsa jáne 2025 jyldyń birinshi jartyjyldyǵynda bala 5 jasqa tolsa, onda ata-analar osy jyldyń 15 mamyrynan bastap 2025 jyldyń 30 maýsymyn qosa alǵanǵa deıin Baspana market (otbasybank.kz) portalyndaǵy jeke kabınetinde «AQYL» depozıtine qosymsha kelisimge qol qoıyp úlgerýleri qajet.
Ol úshin otbasybank.kz saıtynda jeke kabınetke kirip, sodan keıin «Meniń bankim» jáne «Depozıtter» qoıyndysyna ótý qajet. Onda qosymsha kelisimge qol qoıý týraly habarlama avtomatty túrde paıda bolady. Bir ret basý arqyly qol qoıylady – bul úshin SMS-pen keletin kodty engizý jetkilikti.
«Otbasy bank» mobıldi qosymshasynda kelisimge qol qoıý qyzmeti aldaǵy kúnderi qoljetimdi bolady. Bank bul týraly óz klıentterine qosymsha habarlaıdy.
Memlekettik bilim berý kapıtaly qashan túsedi?
235 920 teńge mólsherindegi memlekettik bilim berý kapıtalyn balalaryńyzdyń «AQYL» bilim berý depozıtterinen kelesi merzimde jáne jaǵdaılarda kórýge bolady:
2025 jyldyń 31 tamyzyna deıin, eger birinshi jartyjyldyqta balalar 5 jasqa tolsa jáne olarǵa «AQYL» depozıti ashylsa nemese 2025 jyldyń 30 maýsymyna deıin qoldanystaǵy «AQYL» depozıtine qosymsha kelisimge qol qoıylsa.
2026 jyldyń 28 aqpanyna deıin, eger balalar 2025 jyldyń 1 shildesinen 31 jeltoqsanǵa deıingi kezeńde 5 jasqa tolsa jáne olarǵa «AQYL» depozıti ashylsa nemese bıyl qoldanystaǵy «AQYL» depozıtine qosymsha kelisimge qol qoıylsa.
«Keleshek» baǵdarlamasy aıasynda balalar memleketten qansha soma alady?
Bastapqy bilim berý kapıtaly 2025 jyly 60 AEK nemese 235 920 teńgeni quraıdy.
Jetim balalar men ata-anasynyń qamqorlyǵynsyz qalǵan balalar úshin bastapqy bilim berý kapıtaly 2025 jyly 120 AEK nemese 471 840 teńgeni quraıdy.
Qandaı jaǵdaılarda bastapqy kapıtal bıýdjetke qaıtarylady?
Memlekettiń bastapqy kapıtaly «AQYL» depozıtine esepteledi.
Ony saqtaý úshin ata-analar «AQYL» depozıtine balalary kámeletke tolǵanǵa deıin nemese bilim berý uıymyna túskenge deıin jyl saıyn jarna salyp turýlary qajet.
Bir jyldaǵy eń tómengi jarna 2025 jyly 24 AEK nemese 94 368 teńge.
Halyqtyń áleýmettik osal toptary sanatyndaǵy balalar úshin – 2025 jyly 12 AEK nemese 47 184 teńge.
Jetim balalar men ata-anasynyń qamqorlyǵynsyz qalǵan balalarǵa ashylǵan «AQYL» depozıtine jyl saıyn mindetti jarnalardy salýdyń qajeti joq.
