Foto: primeminister.kz
Taraptar munaı-gaz salasyndaǵy ekijaqty yntymaqtastyqtyń qazirgi mártebesi men keleshegin talqylady.
Roman Sklıar barlyq negizgi baǵyt boıynsha Qazaqstan men Qytaı, onyń ishinde CNPC arasyndaǵy ózara is-qımyldyń serpindi damýyn atap ótti.
Kelissózder barysynda munaı óńdeý nysandaryn jańǵyrtýdy, birlesken jer qoınaýyn paıdalanýdy damytýdy, kásiporyndarda áleýmettik turaqtylyqty qamtamasyz etýdi, munaı hımııasy salasyndaǵy birlesken bastamalardy ilgeriletýdi, sondaı-aq energııa resýrstaryn turaqty jetkizý sharalaryn qamtamasyz etýdi qosa alǵanda, Qazaqstan aýmaǵynda birlesken jobalardy iske asyrý máselelerine erekshe nazar aýdaryldy.
Hoý Sıszıýn Qazaqstan tarapyna ashyq ári syndarly dıalog úshin alǵysyn bildirip, CNPC-diń ozyq tehnologııalardy engizýge jáne ózara tıimdi jobalardy iske asyrýǵa baǵyttalǵan tyǵyz yntymaqtastyqty jalǵastyrýǵa daıyndyǵyn atap ótti.
Kezdesý qorytyndysy boıynsha taraptar qazaq-qytaı úkimetaralyq komıssııasy, sondaı-aq «Bir beldeý – bir jol» bastamasy sheńberindegi yntymaqtastyqty odan ári tereńdetýge múddeli ekenin jetkizdi.
