Is-sharaǵa «Atameken» UKP óńirlik palatasynyń ókilderi, developerler, kommersııalyq jyljymaıtyn múlik nysandarynyń ıeleri men basqarýshylary, sondaı-aq QAZPROPERTY qaýymdastyǵynyń músheleri men seriktesteri qatysty.
Qatysýshylar kommersııalyq jyljymaıtyn múlik naryǵynyń damýyna qatysty ózekti máselelerdi talqylady. Ásirese óńirlik erekshelikter, jahandyq úrdister jáne turaqty ári kásibı salany qalyptastyrýdaǵy Assosıasııanyń strategııalyq róli sóz boldy. Sonymen qatar zańnamalyq retteý, memlekettik organdarmen ózara is-qımyl jáne salanyń múddelerin ulttyq deńgeıde ilgeriletý máselelerine erekshe nazar aýdaryldy.
Is-shara aıasynda Halyqaralyq kommersııalyq jyljymaıtyn múlik kongresine daıyndyq barysy men sheteldik seriktestermen yntymaqtastyqtyń jańa formattary da talqylandy. Budan bólek, qatysýshylar jyljymaıtyn múlik salasyndaǵy jumysshy mamandyqtardy damytý jáne olardyń jastar arasyndaǵy tartymdylyǵyn arttyrý sharalaryn sóz etti.
Kezdesý suraq-jaýap sessııasymen jáne qatysýshylardyń tájirıbe almasyp, jańa iskerlik baılanystar ornatýyna múmkindik bergen beıresmı netvorkıngpen aıaqtaldy.
QAZPROPERTY qaýymdastyǵy memlekettik organdarmen tyǵyz baılanysta jumysyn jalǵastyryp, normatıvtik-quqyqtyq bazany jetildirýge belsendi atsalysyp keledi. Sonymen qatar kásibı standarttar men bilim berý bastamalaryn engizý arqyly ashyq, turaqty jáne básekege qabiletti salany qalyptastyrýǵa úles qosyp otyr.
Aımaqtyq dıalogty jalǵastyrý aıasynda Assosıasııa elimizdiń ózge de óńirlerinde osyndaı is-sharalar ótkizýdi josparlap otyr. Jaqyn ýaqytta Qostanaı oblysynda jergilikti bıznes-qoǵamdastyqpen júzdesý kózdelýde.
