О́ner festıvalinde, sondaı-aq bilim berý uıymdary zamanaýı, taqyrypqa jáne talǵamǵa saı jasalǵan ulttyq, turmystyq qoldanbaly buıymdar, oqýshylardyń jeke shyǵarmashylyq jáne ustazdarmen birikken kompozısııalyq jumystarynyń qolóner kórmeleri usynyldy. Sonymen qatar qoǵamnyń nazaryn balanyń daýysyna aýdarý, balalardyń mektep, qala jáne el ómirine qatysýyn keńeıtý úshin arnaıy daıyndalǵan suraqtarǵa jaýap berý boıynsha pikirleri, ıdeıalary men tilekterin bildirýge arnalǵan chellendj uıymdastyryldy. Qorytyndy is-sharada oblys ákiminiń orynbasary Beısenbaı Tájibaev balalardy aıtýly merekesimen quttyqtady.
– Bul erekshe kún – bolashaǵymyzdyń jarqyn beınesi sanalatyn súıkimdi balalarǵa degen sheksiz súıispenshilik pen qamqorlyqtyń merekesi. Árbir balanyń amandyǵy, baqytty balalyq shaǵy – kez kelgen eldiń, ár otbasynyń basty qundylyǵy. Bizdiń elimizde, oblysymyzda ósip kele jatqan jas urpaqtyń bilimdi, tárbıeli, deni saý bolyp ósýine barlyq jaǵdaı jasalyp keledi. Mektepter men balabaqshalar boı kóterip, túrli mádenı-sporttyq nysandar ashylýda. Bul – sizderdiń bolashaǵyńyz úshin jasalyp jatqan mańyzdy qadamdar, – dedi Beısenbaı Tájibaev.
Oqýshylar sahna tórinde ulttyq mádenıetimiz ben ádebıetimizdi nasıhattap, týǵan ólkege degen súısipenshiligin ulttyq óner arqyly kórsetti.
Túrkistan oblysy
