Foto: baq.kz
Mınıstrlik el aýmaǵynda shegirtkelerdiń taralý kólemi 2,1 mln gektarǵa deıin jetýi múmkin dep boljap otyr. Qazirgi ýaqytta 14 óńirde 596,3 myń gektar alqapta óńdeý jumystary aıaqtalǵan.
«Jumystar josparǵa sáıkes, shtattyq rejımde júrgizilip jatyr. Olardy Aýyl sharýashylyǵy vıse-mınıstrleri, Agroónerkásiptik keshendegi memlekettik ınspeksııa komıtetiniń ókilderi, sondaı-aq óńirlerde qurylǵan jedel shtabtar baqylaýda ustap otyr. Aýyl sharýashylyǵy mınıstri Aıdarbek Saparov Jambyl, Túrkistan jáne Qyzylorda oblystaryndaǵy ahýaldy jeke baqylaýyna alǵan», delingen mınıstrlik habarlamasynda.
Kúres sharalaryna 443 arnaıy búrký tehnıkasy jumyldyrylyp, zertteý jumystaryna 4 625 maman tartylǵan. Qajetti tehnıka men preparattar qory jetkilikti.
AShM jalǵan málimet úshin jaýapkershilik kózdelgenin eske salyp, resmı derekkózderge súıenýge shaqyrady.
