Týrızm • 28 Mamyr, 2025

Qytaı men Qazaqstan arasynda jańa týrıstik poıyz jolǵa shyǵady

40 ret

kórsetildi

1 mın

oqý úshin

29 mamyrda Sıan qalasynan «Sıan – Almaty» baǵytyndaǵy alǵashqy týrıstik poıyz almaly shaharǵa bet alady, dep jazady Egemen.kz.

Dana MYRZAQADIR

Qytaı men Qazaqstan arasynda jańa týrıstik poıyz jolǵa shyǵady

Foto: Týrızm jáne sport mınıstrligi

Bul bastama «Ortalyq Azııa – Qytaı» II sammıti aıasynda uıymdastyrylyp otyr.

Poıyz Almatyǵa 31 mamyrda jetedi dep josparlanǵan. Qonaqtar Almatyda 5 kún bolady. Delegasııa quramynda 250-den astam memlekettik organdardyń, bıznes, ǵylym, mádenıet, medısına jáne sport salasynyń ókilderi men týrıster bar. Delegasııany Sıan qalasy ákiminiń orynbasary Sıao Sı bastap keledi.

Qonaqtar úshin arnaıy mádenı jáne iskerlik baǵdarlama daıyndalǵan. Týrıstik poıyz Sıanǵa 5 maýsym kúni jolǵa shyǵady.

Bul joba Qytaı Halyq Respýblıkasynyń Memlekettik damý jáne reformalar komıtetiniń bastamasymen, QR Týrızm jáne sport mınıstrligi, «Kazakh Tourism» ulttyq kompanııasy, «Qazaqstan Temir Joly» ulttyq kompanııasy, Syrtqy ister mınıstrligi, Kólik mınıstrligi, Shekara qyzmeti, Ishki ister mınıstrligi, Almaty qalasynyń Týrızm basqarmasy jáne otandyq týroperatorlardyń qoldaýymen júzege asyrylyp jatyr.