foto: ashyq derekkóz
Jarııalanǵan josparǵa sáıkes, jańa júıe dárilik zattar men medısınalyq maqsattaǵy buıymdardy naryqqa shyǵarý merzimin 100 jumys kúnine deıin qysqartady. Bul tek saraptama úshin zańnamada qarastyrylǵan aǵymdaǵy 210 kúntizbelik kúnmen salystyrǵanda aıtarlyqtaı ilgerileý. Biraq «Atameken» ulttyq kásipkerler palatasynda aıtylǵandaı, merzimderdiń túbegeıli qysqarýy suraqtar týdyrady. Mysaly, kásipkerlerge qujattamadaǵy qatelerdi joıýǵa úsh kún ǵana ýaqyt beriledi, bul tek zańnamalyq normalarǵa qaıshy kelip qoımaı, bıznes úshin qosymsha táýekel deákeledi.
Taǵy bir másele – pılottyq jobanyń mártebesine qaramastan, ár kezeńdegi qyzmettiń aqyly sıpaty. «Eger bul synaq bolsa, nege bıznes ýaqyt pen aqshaǵa qaýip tóndirip, qatysý úshin aqy tóleýi kerek?» - deıdiQazaqstan farmasevtıkalyq qyzmetti qoldaý jáne damytý qaýymdastyǵynyń prezıdenti Marına Dýrmanova.
Kásipkerlerdiń jobany daıyndaý prosesine de aıtar syny bar. «Atameken» palatasynyń basqarýshy dırektory Nazgúl Qabdrahmanova bıznes úsh jyl boıy rásimderdi jeńildetý úshin óz sheshimderin usynǵanyn, biraq Densaýlyq saqtaý mınıstrligi jobany kásipkerlermen kelispeı ázirlegenin aıtady. Sondaı-aq jobada naqty anyqtalǵan qatysýshylar, negizgi tıimdilik kórsetkishteri (KPI) jáne iske asyrý merzimderi joq.
«Kompozıttik memlekettik qyzmetti elektrondy formatta bir ótinish arqyly alý múmkindigi bıznes úshin óte tartymdy jáne ony laıyqty júzege asyrýǵa bolady. Alaıda, joba pysyqtaýdy talap etedi, óıtkeni ol bıznestiń qajettiligin kórsetpeıdi», deıdi ol.
Densaýlyq saqtaý mınıstrligi sıfrlyq platforma ázir jetildirilý ústinde ekendigin alǵa tartady. Palata da jobany egjeı-tegjeıli talqylaý úshin memlekettik organdar men bıznestiń qatysýymen qaıta keńes ótkizýge nıetti. Kásipkerler ashyqtyqty, platformany pysyqtaýdy jáne olardyń usynystaryn eskerýdi talap etedi. Otandyq naryqty jańǵyrtýǵa umtylyp otyrǵan jaǵdaıda «biryńǵaı terezeniń» tıimdiligi bıliktiń bıznes-qoǵamdastyqpen dıalog ornatyp, iske asyrý barysyndaǵykedergilerdi joıýyna baılanysty.
Bastama jańa dári-dármek pen medısınalyq buıymdarǵa qol jetkizýdi jeńildetedi.Biraq naqty strategııasyz, ashyq sharttarsyz jáne bıznes múddeleri naqty esepke alynbaı, joba taǵy bir órshil, áıtse deiske asýy dúdámal bastamaǵa aınalýy múmkin, dep alańdaıdy kásipkerler.
