Júk tasymaldaýshylardyń shekaradan ótýin jeńildetý maqsatynda bıylǵy mamyrdan bastap engizilgen elektrondy kezek jobasynyń tranzıttik kólik qozǵalysyna kedergi keltirgenine shaǵymdanǵan 200-den astam aýyr júk kóligi júrgizýshileri jaǵdaıdy retteýdi suraıdy. Negizgi másele – «Jaısań» ótkizý beketinde elektrondy kezektiń durys jumys istemeýinen týyndaǵan keptelis. Kólik quraldarynyń kirip-shyǵý tártibin retteıtin aqparattyq tablosy bar jınaqtaý alańy bolmaýynan aýyr júk kólikteri jeńil kóliktermen birge kúni boıy kezek kútedi. Mundaı jaǵdaı logıstıkadaǵy tártipsizdikke, kútý ýaqytynyń artýyna jáne bızneske keletin shyǵyndardyń kóbeıýine ákeledi.
Taǵy bir ózekti másele –kórsetiletin qyzmet sapasynyń tómendigi. Júıe aqyly bolǵanyna qaramastan, júrgizýshiler ótkizý beketindegi kútýge arnalǵan aımaqtardyń, sanıtarlyq nysandardyń jáne demalatyn oryndardyń talapqa saı emestigine narazy.
Qazirgi ýaqytta ótkizý beketindegi kidiriske tasjol boıyndaǵy jóndeý jumystary da kedergi keltirip otyr. Keńes músheleri elektrondy kezekke tirkelgen kólik quraldaryn kedergisiz tekseristen ótýge basymdyq berý, aqparattyq tablosy bar jınaqtaý alańyn jasaqtaý, jol jóndeý kezinde tranzıttik kólikter qozǵalysyn jol polısııasynyń baqylaýǵa alýyn tapsyrdy.
Aqtóbe oblysy.
