Búginde AHF energetıkadaǵy betburys, ekonomıkany ártaraptandyrý jáne klımattyń ózgerýine tózimdilik baǵytyndaǵy saıasattardy qalyptastyrýda mańyzdy ról atqarady. Atalǵan salalardyń barlyǵynda «Qarashyǵanaq Petrolıým Opereıtıng B.V.» kompanııasy (KPO) belsendi jumys istep keledi.
Qazaqstandaǵy eń iri ári tehnıkalyq turǵydan damyǵan munaı-gaz jobalarynyń biri retinde Qarashyǵanaq jobasy eldiń energetıkalyq qaýipsizdigi, ónerkásiptik damýy jáne qorshaǵan ortany qorǵaý sııaqty salalarda erekshe oryn alady. 2024 jyly KPO BUU-nyń bedeldi bastamasy – munaı-gaz sektorynyń metan shyǵaryndylaryna qarsy kúres jónindegi seriktestik (OGMP 2.0) baǵdarlamasyna qosyldy. Men energetıka bolashaǵy jaýapty áriptestikte ekenine nyq senemin jáne bul baǵytta Qazaqstan kósh bastap tur. KPO Qazaqstannyń strategııalyq maqsattaryna – jergilikti qamtýdy barynsha arttyrý jáne ınfraqurylymdy jańǵyrtýdan ornyqtylyqqa baǵyttalǵan bastamalardy ilgeriletýge deıin – naqty úles qosyp kele jatqanyn maqtan tutady. Bul jumystardyń barlyǵy – KPO-nyń uzaqmerzimdi «KPO 365» strategııasynyń ajyramas bóligi.
Marko Marsılı,
Qarashyǵanaq Petrolıým Opereıtıng B.V. kompanııasynyń bas dırektory
