Foto: Sý resýrstary jáne ırrıgasııa mınıstrligi
Sý resýrstary jáne ırrıgasııa mınıstrligi tekserý nátıjeleri tıisti sharalar qabyldaý úshin jergilikti atqarýshy organdarǵa joldanǵanyn málimdedi. Sondaı-aq jergilikti ákimdikke anyqtalǵan zańbuzýshylyqtardy joıý boıynsha usynystar berilgen.
2025 jyldyń birinshi toqsanynda Sý resýrstary jáne ırrıgasııa mınıstrliginiń basseındik ınspeksııalary júrgizgen 20 tekserý nátıjesinde 26 zańbuzýshylyq anyqtalyp, 10 uıǵarym shyǵarylǵan. Osy faktilerge qatysty jalpy somasy 13,3 mln teńgeni quraıtyn 133 ákimshilik aıyppul salynǵan.
Sala mınıstri Nurjan Nurjigitov 10 maýsym kúshine enetin jańa Sý kodeksinde zańbuzýshylyqtarǵa qatysty jaza kúsheıtiletinin atap ótti.
«Jańa Sý kodeksine sáıkes, basseındik ınspeksııalar qadaǵalaý jáne jedel áreket etý sharalaryn qabyldaý quqyǵyna ıe bolady. Sonymen qatar Sý kodeksine sáıkes, Ákimshilik kodekske de ózgerister engizilip, sý zańnamasyn buzǵandarǵa jazalaý sharalary kúsheıtiledi», dedi Sý resýrstary jáne ırrıgasııa mınıstri Nurjan Nurjigitov.
Aıta keteıik, byltyr basseındik ınspeksııalar 439 tekserý júrgizip, onyń barysynda 1 855 zań buzýshylyq anyqtalyp, 429 uıǵarym shyǵarylǵan. Jalpy somasy 48,4 mln teńgege 582 ákimshilik aıyppul salynǵan.
