Foto: Eńbek jáne halyqty áleýmettik qorǵaý mınıstrligi
Aıta ketelik, múgedektik tobyn belgileý jónindegi qyzmetti alý úshin ótinish berýshige turǵylyqty jeri boıynsha emhanaǵa júginip, tekserýden ótý qajet, qalǵan prosester aqparattyq júıelerdi ıntegrasııalaý esebinen onyń qatysýynsyz óte beredi.
Syrttaı kýálandyrýǵa kóshý mańyzdylyǵy: ákimshilik jáne bıýrokratııalyq kedergilerdi joıady, MÁS saraptamalyq sheshimderiniń ashyqtyǵyn qamtamasyz etedi, múgedektigi bar adamdardy áleýmettik qorǵaý sharalaryn anyqtaý boıynsha qyzmetterdi úıden shyqpaı-aq alýǵa múmkindik beredi, kórsetiletin qyzmetti alýshynyń kórsetiletin qyzmetti berýshimen tikeleı baılanysyn boldyrmaıdy, sol arqyly sybaılas jemqorlyq táýekelderin azaıtady.
Eńbek jáne halyqty áleýmettik qorǵaý mınıstrliginiń baspasóz qyzmetiniń málimdeýinshe 2025 jyldyń basynyn bastap múgedektik tobyn belgileý úshin medısınalyq-áleýmettik saraptama júrgizýdiń syrttaı formaty boıynsha pılottyq jobany iske asyrý sheńberinde Qazaqstannyń barlyq óńirlerinen 43,7 myń ótinim qaralǵan. Búginde syrttaı formatta kýálandyrý 30 nozologııalyq nysan boıynsha júrgiziledi.
Al, 2024 jyly 96,9 myńnan astam ótinim syrttaı formatta qaraldy, bul kýálandyrýdan ótken múgedektigi bar adamdardyń jalpy sanynyń 37,4%-yn quraıdy eken.
