Qazaqstan • 02 Maýsym, 2025

Úsh el «Bahrı Tochık» sý qoımasyn birlesip paıdalanady

50 ret

kórsetildi

1 mın

oqý úshin

Dýshanbede, muzdyqtardy qorǵaý jónindegi halyqaralyq konferensııa aıasynda QR Sý resýrstary jáne ırrıgasııa mınıstri Nurjan Nurjigitov, sondaı-aq Tájikstan men О́zbekstannyń sý vedomstvolary basshylary bıylǵy maýsym aıynan tamyzǵa deıin «Bahrı Tochık» sý qoımasyn birlesip paıdalaný jónindegi hattamaǵa qol qoıdy, dep habarlaıdy Egemen.kz.

Shyńǵys MUQAEV

Úsh el «Bahrı Tochık» sý qoımasyn birlesip paıdalanady

Foto: Sý resýrstary jáne ırrıgasııa mınıstrliginiń baspasóz qyzmeti

Vegetasııalyq kezeńniń eń qyzǵan ýaqytynda Qazaqstanǵa 491 mln tekshe metr sý jiberiledi dep kútilip otyr.

Atalǵan sý qoımasynyń jumys kestesi kórsetilgen qujat – úsh el arasyndaǵy sýdy tıimdi ári teńdeı bólýdi kózdeıdi.

«Qazaqstan sý resýrstaryn basqarý boıynsha birlesken jobalardy júzege asyrýǵa, sondaı-aq halyqaralyq sý quqyǵy qaǵıdattaryn ilgeriletýge umtylady. Sý – jaı ǵana tabıǵı resýrs emes, ol – turaqty damý men óńirlik turaqtylyqtyń quraly. Biz yntymaqtastyq arqyly ǵana klımattyq syn-qaterlerge tıimdi qarsy tura alamyz», dedi mınıstr N.Nurjigitov.