Foto: Ashyq derekkóz
Mınıstrliktiń málimetinshe, 1 shildeden bastap kelesi óńirlerde jańartylǵan kezek negizinde vaýcherlerdi bólý bastalady. Atap aıtsaq, Taraz, Túrkistan, Shymkent, Oral, Astana, Semeı, О́skemen, Jezqazǵan, Qaraǵandy, Pavlodar, Petropavl, Qostanaı, Qonaev, Qosshy, Taldyqorǵan qalalarynda jáne Baızaq, Saryaǵash, Jetisaı, Saıram, Qazyǵurt, Maqtaaral aýdandarynda vaýcherlik qarjylandyrý júıesi qoldanylady.
Vaýcher alý tártibi:
- Joldanǵan vaýcher 2 jumys kúni ishinde rastalýy tıis. Eger rastalmasa, ótinish belsendi emes dep esepteledi. Ata-ana ony 28 kúntizbelik kún ishinde bir ret qaıta qalpyna keltire alady.
- Tańdalǵan balabaqshamen kelisimshartty 5 jumys kúni ishinde rásimdeý qajet.
- Eger vaýcherden bas tartylsa — kezek joıylady.
- Bos oryn bolmasa — «kútý paraǵyna» tirkelý múmkindigi bar.
Al qalǵan óńirler úshin jas erekshelikterine saı toptardy jasaqtaý 1 tamyzdan bastalady. Bos oryndar týraly habarlama aldymen kezekte turǵandarǵa jiberiledi. Joldamany rastaýǵa 2 kún, kelisimshart jasaýǵa 5 jumys kúni beriledi. Qajet bolsa, joldamanyń merzimin 30 kúntizbelik kúnge deıin bir ret uzartýǵa bolady.
«Eger qujattardyń tolyq paketi usynylmasa, merzimi ótip ketken bolsa nemese ekpe almaǵan balalar sany ruqsat etilgen mólsherden asyp ketse, balabaqsha qujattardy qabyldaýdan bas tartýǵa quqyly. Qujattardy aldyn ala tekserip, jeke kabınettegi habarlamalardy qadaǵalap otyrý qajet ekeni eskertiledi», delingen habarlamada.
