Ishki ister mınıstrliginiń málimetinshe, elimizde qarý-jaraq pen oq-dárilerdiń zańsyz aınalymyna qarsy aýqymdy reıd júrgizildi. Shara barysynda 400 zańsyz qarý, 2 500-den astam oq-dári men 6 jarylǵysh zat tárkilendi. Sondaı-aq, 40 jasyryn qarý qoımasy anyqtaldy.
Atalǵan is-shara Qańtar oqıǵasy kezinde urlanǵan polısııa qarýlary men arnaıy quraldaryn da qaıtarýǵa múmkindik berdi. Tárkilengen zattar qatarynda 2 Kalashnıkov avtomaty, 4 tapansha, 4 ańshy myltyǵy, qyzmettik bronejıletter, kaskalar men qalqandar bar.
Azamattardyń da belsendiligi baıqaldy – olar 87 qarýdy óz erkimen tapsyrǵan. Bul jaǵdaı halyqtyń zańsyz qarý aınalymyna beı-jaı qaramaıtynyn dáleldeıdi.
Reıd sheńberinde 29 000-nan astam azamattyq qarý tekserilip, 845 adam ákimshilik jaýapkershilikke tartyldy. Sonymen qatar polısııa qyzmetkerleri 10 000-nan astam sharýa qojalyǵyn aralap, 65 zańsyz qarýdy tárkiledi.
QR IIM Krımınaldyq polısııa departamentiniń bastyǵy Qanat Nurmaǵambetovtyń aıtýynsha, qarý-jaraq pen oq-dárilerdiń zańsyz aınalymyna qarsy júıeli jumystar aldaǵy ýaqytta da jalǵasady.
