Maýsymnyń 5-8 aralyǵynda ótken Azııadaǵy eń aýqymdy kórmelerdiń birinde Almaty buryshy kelýshiler men sarapshylardyń nazaryn erekshe aýdaryp, kórme sońynda «SITF 2025 stendiniń úzdik dızaıny» qurmetti marapatyna ıe boldy.
Kórme qonaqtary dombyrashylardyń ónerin, qoldanbaly óner sheberlerin, qazaq ulttyq kıimderi qoıylǵan foto jáne gastronomııalyq aımaqtardy qamtıtyn baı ınteraktıvti baǵdarlamanyń arqasynda Almatynyń qazaq mádenıeti men rýhynyń aýanyn tamashalaı aldy.
Stendtiń jeke ereksheligi ımmersıvti marketıngti qoldaný desek, onda kelýshiler VR-kózildirik arqyly Almatyǵa vırtýaldy saıahat jasaı alady.
«SITF 2025 kórmesine qatysý Almatyny Ońtústik Koreıa men halyqaralyq naryqta biregeı týrıstik baǵyt retinde ilgeriletýdegi mańyzdy qadam boldy. Is - shara barysynda qazaqstandyq jáne sheteldik týroperatorlar arasynda B2B kezdesýler ótkizilip, qalamyzǵa 21 myńǵa jýyq týrıstti tartýdy kózdeıtin yntymaqtastyq týraly 30 kelisimshartqa qoıyldy», deıdi Almaty qalalyq Týrızm basqarmasynyń taldaý jáne strategııalyq josparlaý bóliminiń basshysy Maqpal Ábdiqadyr.
О́z kezeginde kórme qonaqtary Almatyǵa úlken qyzyǵýshylyq tanytqan
«Biz úshin Ortalyq Azııadaǵy osy ásem qala óte qyzyqty týrıstik baǵyt. Menińshe, Almaty - taýlardyń etegindegi biregeı qala ári onyń zamanaýı damýy ulttyq rýhqa óte baı eken. Bir kezde osy arý qalada bolamyn dep úmittenemin», dep óz oıymen bólisti Seýl turǵyny Kım Djııýn.
Osy arada ońtústik koreıalyq týrısterdiń Almatyǵa degen qyzyǵýshylyǵy jyl saıyn artyp kele jatqanyn, 2024 jyly Koreıa Respýblıkasynan kelgen týrıster sany 20114 adamǵa deıin kóbeıip, bul 2023 jylmen salystyrǵanda 3,2%-ǵa artyq ekenin atap ótken jón.
