Shahar sharýany shıratsa ıgi

Osyndaı uranmen Shym­kentte «Amanat» partııasynyń janyndaǵy Sybaılas jemqor­lyqqa qarsy is-qımyl jónindegi respýblıkalyq keńestiń kósh­peli otyrysy ótti. Keńes tóraǵa­sy, Májilis depýtaty Er­jan Saırov jergilikti atqa­rýshy organdar tarapynan mem­le­kettik baǵdarlamalar aıasynda ótkiziletin satyp alýlar men eń­bekaqy, ústemaqylardy tó­leý ke­zinde paraqorlyq pen bıýdjet qarajatyn jymqyrý faktileri jıi kezdesetinin aıtty. Ol memlekettik qyzmette sybaılas jemqorlyqqa jol bermes úshin naqty sharalarǵa kóshý qajettigin atady. Sonyń ishinde qoǵam dertimen kúreste Shym­kent áli de jumysty kúsheıte túsý kerek dedi. Keńes tóraǵasy den­saý­lyq pen bilim salasynda jemqorlyq jaılaǵanyn atap ótti. Sondyqtan baqylaý men tártipti qolǵa alýǵa shaqyrdy. Degenmen jemqorlyqtyń aldyn alý, kúres sharasynda Shym­kentten úırener nárse kóp ekenin de tilge tıek etti. Ásirese bilim sa­lasynda bul baǵytta tyn­­dy­rym­dy ister bar ekenine toq­tal­dy.

E.Saırov málimdegendeı, 2022–2024 jyldary shaharda sy­­baılas jemqorlyqqa qarsy qyz­met 270 qyl­mystyń betin ash­qan. Onyń ishinde para alý, ur­lyq, qyzmettik ókilettikti asyra paıdalaný derekteri bar. Osy qylmystardan bolǵan zaýal 7,4 mlrd teńgeni qurap, onyń 5,9 mlrd teńgesi memleketke qaı­ta­­ryldy. Keńes tóraǵasy sybaılas jemqorlyqqa qarsy kúres boıyn­sha partııanyń saılaýaldy baǵ­darlamasyn iske asyrýda Shym­­kent kósh bastap turǵanyn aıtty.

Jıynda Májilis depýtaty Nurlan Áýesbaev qala ákim­digi­niń basqarmalary jemqor­lyq­qa qarsy kúres sharasynda kóz­boıaý­shylyq jasaıtynyn, ashyq­tyq, tazalyq jetispeıtinin atap ótti.

«Qoǵam dertimen kúres júrip jatqanymen sybaılas jem­­qorlyq qylmystary áli de tyıyl­maı tur. Ondaı qylmysqa jergilikti atqarýshy organdar men polısııa ókilderi kóp baratyny anyqtaldy. Sondyqtan olardyń aldyn alý qajet. Ol úshin partııanyń saılaýaldy baǵdarlamasyndaǵy sybaılas jemqorlyqqa qarsy kúres sharasyn qatań oryndaý kerek», dedi ol.

Basqosýda sóz alǵan qala ákimi Ǵabıt Syzdyqbekov partııanyń saılaýaldy baǵdarlamasynyń megapolıste qalaı júzege asyrylyp jatqanyna toqtaldy. Shahar basshysynyń aıtýyn­sha, máslıhattaǵy partııa frak­­sııasynyń 21 múshesi baǵ­dar­lama tarmaqtaryna jeke-jeke bekitilgen. 2024 jylǵa jos­parlanǵan 95 tarmaqtyń bú­gin­gi tańda 90-y oryndalǵan. Baǵ­darlama aıasynda 1,3 mln sharshy metrden asa turǵyn úı paı­dalanýǵa berilip, 2 127 azamat páter­men qamtyldy. «Qamqor» óńir­lik baǵdarlamasy aıasynda taǵy 150 azamat bas­panaly boldy. 2 878 medısına qyzmetkeri sımýlıasııalyq ortalyqtarda biliktiligin arttyrdy. Sonymen qatar 30 284 adam jumyspen qamtylsa, «Kedergisiz keleshek» jobasy arqyly 43 640 múmkindigi shek­teýli azamattyń ótinishi qana­ǵattandyryldy. Osylaı degen ákim bul baǵdarlamanyń naqty iske asyp jatqanyn kórsetetin kórsetkishter ekenin málimdedi.

Sondaı-aq keńes barysyn­da Shymkent qalasy ákimdigi janyndaǵy Sybaılas jemqor­lyqqa qarsy kúres jónindegi komıssııa jumysynyń nátı­jeleri talqylandy.

ShYMKENT